«ijtimoiy fanlar va jismoniy madaniyat» kafedrasi

Ko‘rsatmali ma’ruzani o‘qituvchi didaktikaning ko‘rgazmali tamoyil talablariga javob bergan holda tashkil etadi. Psixologik va pedagogik tadqiqotlar shuni ko‘rsatadiki, o‘quv jarayoniga ko‘rgazmali qo‘llanmalardan foydalanish faqat ko‘rgazmalilikni qabul qilib olish va esda saqlashgagina emas, balki talabalarning aqliy faoliyatini faollashtirishga, o‘rganilayotgan voqelikning mohiyatini chuqurroq o‘rganishga imkon beradi.

Binar ma’ruzalar o‘quvchilar pedagogik tanishuv amaliyotini o‘tgandan hamda ma’lum pedagogik bilimlarga ega bo‘lishgandan so‘ng o‘qituvchi va amaliy tajribaga ega bo‘lgan (O’quv muassasasio‘quv jarayonini amalga oshiradigan yoki shu jarayonni yaxshi o‘zlashtirgan) ma’ruzachi yordamida amalga oshiriladi. Bu turdagi ma’ruzaning afzalligi shundaki, talabalarning ma’ruzachilar bayon etgan o‘quv materialiga bo‘lgan qiziqishi faollashadi. Chunki ular bir tomondan nazariy bilimlar olsa, ikkinchi tomondan bu bilimlarni hayotga tatbiq etishdagi amaliy ko‘nikma va malakalar bilan tanishishadi. Bunday ma’ruzalarni o‘tkazish uchun katta pedagogik tajribaga ega bo‘lgan o‘qituvchi va ma’ruzachilar taklif qilinadi. Binar ma’ruzalarni har doim ham o‘tkazishning iloji bo‘lavermaydi, chunki unga juda puxta tayyorgarlik ko‘rish lozim. Bunday ma’ruzalarni o‘tkazilganda ham ta’lim metodlaridan foydalaniladi va talabalar har doim yangi, aniq bilimlarni olishga yo‘naltiriladi.