«ijtimoiy fanlar va jismoniy madaniyat» kafedrasi

Ta'limning amaliy usullari. O'qitishning amaliy usullariga yozma mashqlar (masalalar echish, chizmalar tayyorlash), tajriba – laboratoriya tipidagi mashqlar (frontal tajribalar, laboratoriya ishlari, amaliyot, o'qitishning texnik vositalari va boshqalar); mehnat topshiriqlarini bajarish usullari kiradi. Amaliy metodlar o'qitishning og'zaki va ko'rsatmali metodlari bilan uzviy birlikda qullaniladi.

Ta'lim metodlari ta'lim vositalari bilan birgalikda qo'llaniladi. Didaktik vositalar deganda, o'quv va ko'rgazmali qo'llanmalar, namoyishli qurilmalar, texnik vositalar tushuniladi. Ta'lim vositalari – bu yangi bilimlarni o'zlashtirish uchun o'qituvchi va o'quvchilar tomonidan foydalaniladigan ob'ekt. Ta'lim vositalari –o'qitilishi va o'rganilishi lozim bo'lgan bilimlarni beruvchi va xar qanday axborot tashuvchi vositalardir.

Ta'lim vositalari o'zida o'quv-tarbiyaviy maqsadga erishish uchun zarur bo'lgan moddiy yoki ma'naviy qadriyatlarni aks ettiradi. Ta'lim-tarbiya jarayonining sifati va samaradorligi ko'p jihatdan ta'lim vositalari bilan qay darajada ta'minlanganligiga bogliq.

Ta'lim vositalari foydalanishi jixatidan quyidagi 3 qismga ajratiladi:

Ta'lim beruvchi uchun;

Ta'lim oluvchi uchun;

Dars o'tkazish uchun.

Biroq agar metodlar «qanday o'qitish» savoliga javob bersa, vositalar esa, «uning yordamida nimani o'qitish» savoliga javob beradi.

O'quv jarayonida o'qituvchining vazifasi – dars jarayonini faollashtirish uchun ta'limning samarali vositasini tanlab olishdir.

Ta'limning texnik vositalari – bu o'zida o'quv-axborotlarini ekranli-ovozli aks ettiruvchi asbob va moslamalardir. Ularga:

1. O'quv kinofilmlari.

2. Diafilmlar.

3. Kompyuterlar.

4. Magnitofon tasmalari.

5. Radioeshittirish.

6. Teleko'rsatuvlar kiradi.