«ijtimoiy fanlar va jismoniy madaniyat» kafedrasi

Bilim, ko‘nikma va malakalarni o‘zlashtirishning mustahkamligi. Nazariy ta’lim va ishlab chiqarish ta’limi jarayonida o’quvchilar o‘zlarining bo‘lajak kasbiy faoliyatlari uchun kerak bo‘ladigan bilim, ko‘nikma va malakalarni egallab boradilar. Bundan tashqari avvalgi mashg‘ulotlarda hosil qilingan bilim, ko‘nikma va malakalar ancha murakkabroq materialni o‘zlashtirib olish uchun asos bo‘lib xizmat kiladi. Ilmiy bilimlarni egallash o’quvchilarning xotirasi, mantiqiy tafakkuri, xilma-xil faoliyat turlaridagi ijodiy faolligi va mustaqilligini rivojlantirishga yordam beradi. Lekin hosil qilingan bilim, ko‘nikma va malakalarning kelgusida ilmiy bilimlar sistemasini o‘zlashtirib olishda asos bo‘lib xizmat qilishi uchun ular puxta o‘zlashtirilgan, yaxshi mustahkamlangan bo‘lishi va o’quvchilarning xotirasida o‘zaro vaqt saqlanishi kerak. Mustahkamlik tamoyilining talablari shulardan iborat bo‘lib, bularga rioya qilmaslik o’quvchilarning o‘zlashtirmasligiga, ularning o‘qishda orqada qolishiga sabab bo‘ladi. O‘qitish tamoyillari bilan bir qatorda o‘qitishning asosiy qoidalari ham bo‘lib ularga quyidagilar kiradi:

- tushunarlidan - tushunarsizga;

- yaqindan – uzoqqa;

- osondan - qiyinga;

- aniqdan - mavhumga;

- umumiydan - xususiyga.

Ma’lumki, kasb-hunar ta’limining moddiy-texnika bazasi yaxshi ta’minlangan va ulardan maqbul foydalanilgan holdagina, sifat jihatdan ko‘zlanganday mutaxassis kadrlar tayyorlash imkoniyati tug‘iladi. Shu bois o‘quv muassasalarni o‘zida ham, korxona sexlarida ham yaxshi jihozlangan ustaxona, maydonlar tashkil qilinishi nazarda tutiladi. Tahsil oluvchilar bu yerda ish o‘rnini oqilona tashkil etish malakalarini egallaydilar, shuni bajarish uchun zarur bo‘lgan asbob-uskunalar, moslamalar, mexanizmlar bilan tanishadilar, operatsiyalar va hatti-harakatni bajarish tartibini, ishlab chiqarishi madaniyatini egallaydilar, o‘quv vaqtidan oqilona foydalanish xavfsizlik texnikasi, ishlab chiqarish va texnologik talablarga rioya qilishni o‘rganadilar. Ta’lim muassasalarida o‘quv ustaxonalarining mavjudligi tahsil oluvchilarni frontal o‘qitish uchun zarur sharoitlar yaratadi, nazariy mashg‘ulotlarni amaliyot bilan oqilona bog‘lab o‘rganilishiga imkon beradi, materiallarni o‘quv dasturiga muvofiq izchillikda o‘rganishni ta’minlaydi.