Ижтимоий-маданий масалалар / Меҳнат. Аҳолининг бандлиги]

VI. Апелляцияларни кўриб чиқиш
Олдинги таҳрирга қаранг.
29. Малака имтиҳони натижаларидан норози бўлишган талабгорлар малака имтиҳони натижалари эълон қилинган санадан бошлаб ўттиз календарь кун мобайнида Ўзбекистон Республикаси Бандлик ва меҳнат муносабатлари вазирлигига апелляция бериш ҳуқуқига эгадирлар. Апелляция ёзма шаклда тақдим этилади.
(29-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
Олдинги таҳрирга қаранг.
Ўзбекистон Республикаси Бандлик ва меҳнат муносабатлари вазирлиги берилган апелляцияни икки ҳафта муддатда кўриб чиқади ва қабул қилинган қарор тўғрисида талабгорга ёзма шаклда хабар қилади.
(29-банднинг иккинчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
Апелляцияни кўриб чиқиш натижалари бўйича қуйидаги қарорлардан бири қабул қилинади:
имтиҳон комиссиясининг қарорини ўзгаришларсиз қолдириш ва апелляцияни қондиришни рад этиш;
имтиҳон комиссиясининг қарорини бекор қилиш ва такрорий малака имтиҳони тайинлаш.
30. Имтиҳон комиссиясининг қарорини ўзгаришларсиз қолдириш ва апелляцияни қондиришни рад этиш тўғрисидаги қарор қуйидаги ҳолатларда қабул қилинади:
апелляция ушбу Низом талаблари бузилган ҳолда тақдим этилганда;
апелляцияда келтирилган далиллар тасдиқланмаганда.
31. Имтиҳон комиссиясининг қарорини бекор қилиш ва такрорий малака имтиҳони ўтказиш тўғрисидаги қарор малака имтиҳони ушбу Низом талаблари бузилган ҳолда ўтказилган тақдирда қабул қилинади.
Олдинги таҳрирга қаранг.
32. Малака имтиҳонини такрорий топшириш тўғрисида қарор қабул қилинган тақдирда Ўзбекистон Республикаси Бандлик ва меҳнат муносабатлари вазирлиги малака имтиҳонини топширмаган деб эътироф этилган талабгор учун такрорий имтиҳон кунини тайинлайди.
(32-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
33. Такроран берилган апелляция кўриб чиқилмайди.