Ижарага бериш шартномаси

27-modda. Xo‘jalik ichidagi ijara pudrati
Korxona o‘z bo‘linmalarining xodimlariga mol-mulkni xo‘jalik ichidagi ijara pudrati shaklida ijaraga berishi mumkin.
Korxona bilan ana shunday ijarachi jamoa o‘rtasidagi munosabatlar shartnomada belgilanadi.
Oldingi tahrirga qarang.
Yer va boshqa tabiiy resurslarni xo‘jalik ichida ijaraga olish O‘zbekiston Respublikasining qonunchiligi va shartnoma bilan tartibga solib turiladi.
(27-moddaning uchinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
28-modda. Jamoat birlashmalari va tashkilotlariga qarashli mulk asosida ijara korxonalarini barpo etish
Jamoat birlashmalari, tashkilotlari o‘zlari belgilaydigan va ushbu Qonunda ko‘zda tutilgan shartlar asosida o‘z korxonalarini va ularning bo‘linmalarini ijaraga berishga haqlidirlar.