Iii международная научно-практическая конференция

III Международная научно-практическая конференция
 
199 
III International Scientific and Practical Conference 
ҚИЗАМИҚ ИММУНОПРОФИЛАКТИКАСИНИНГ САМАРАДОРЛИГИ 
Матназарова Г.С., Абдукахарова М.Ф.,
Брянцева Е.В., Умарова М.А.

Тошкент тиббиёт академияси 
 
Долзарблиги:
Жаҳон 
соғлиқни 
сақлаш 
ташкилоти 
(ЖССТ) 
маьлумотларига кўра 2019 йилнинг биринчи олти ойида 182 мамлакатда 364 
мингдан ортиқ қизамиқ касаллиги қайд этилди. 2019 йил охири бўйича бу 
кўрсаткич дунё миқёсида кескин ўсиб, 869770 кишида ушбу касаллик қайд 
этилган. Шундан 207500 нафар бемор вафот этган. Натижада 2016 йилдан бери 
ўлим кўрсаткичи 50 фоизга ошган. Қайд этилишича 2020 йилда тасдиқланган 
қизамиқ касаллиги ҳолатлари камайган. Вакцинация - касалликнинг 
бошланишининг олдини олишда энг муҳим омил. Бу юқумли касалликнинг 
келиб чиқиши ва асоратларини олдини олади. Эмланган 100 минг кишидан 
фақат биттаси касал бўлиб қолиши мумкин. Бутун дунёда қизамиққа қарши 
эмлаш 2000 йилдан бери қизамиқ касаллиги бўйича ўлимни 84 фоизга 
қисқартирди.
Тадқиқот мақсади:
Наманган вилоятида қизамиқ касаллигининг 
замонавий 
эпидемиологик 
хусусиятларини 
ўрганиш 
асосида 
иммунопрофилактиканинг самарадорлигини баҳолаш.
Тадқиқот материаллари. 
Наманган вилояти Санитария-эпидемиологик 
осойишталик ва жамоат саломатлиги бошқармасининг вилоят болалари 
орасида қизамиқ касаллиги билан касалланиш бўйича расмий маьлумотлари ва 
ҳисоботлари. Қизамиқ касаллиги билан касалланган беморларнинг касаллик 
тарихлари ва оилавий поликлиникаларда профилактик эмлаш хариталари.
Тадқиқот усуллари. 
Ушбу илмий ишнинг бажарилишида эпидемиологик 
ва статистик усуллардан фойдаланилди. 
Тадқиқот натижалари.
2019 йилда Ўзбекистон Республикасида 2886 
нафар ахолида қизамиқ касаллигига гумон қилиниб 457 нафар бемор 
лаборатория таҳлилларида аниқланган. Наманган вилояти мисолида қизамиққа 
қарши текширилган 371 нафар аҳолининг 159 нафарида (42,8%) да серонегатив 
ҳолатлар аниқланди. 2020 йил якунига кўра 152 нафар серонегатив ҳолатлар 
аниқланди. Булардан 1 ёшгача бўлган болалар орасида 139 нафар (91,4% ), 1-3 
ёшлиларда 5 нафар (3,35%), 15-19 ёшлиларда 1 нафар (0,65%), 20 ва ундан 
катта ёшлиларда 7 нафар (4,6%), серонегатив холатлар аниқланди. Серонегатив 
ҳолат аниқланганларга қизамиқ касаллигини юқиш эхтимоли катта.
Хулоса
ўрнида айтадиган бўлсак, юқорида келтирилган маълумотлар 
асосида қизамиқ касаллиги билан кўпроқ қизамиққа қарши эмлаш ўтказилмаган 
аҳолининг касалланиши кузатилмоқда. Бу эса ўз навбатида қизамиқ 
касаллигини олдини олишда иммунопрофилактиканинг аҳамияти катта 
эканлигини яна бир бор тасдиқлайди. 

---