Iii, IV ва V гуруҳ катионлари аралашммаларининг анализи йўналиши

Чўкма №2 нинг анализи: Чўкма №2 ни 2н ли HCI да эритилади. Ҳосил бўлган эритма (Эритма № 3) Al³⁺ ва [SnCI₆]^2- ионлари бўлиши мумкин. Бу ионларни эритманинг алоҳида қисми қуйидагича очилади.

1. 
   Эритма №3 да қалайнинг очилиши: Мазкур эритманинг бир қисмига темир қириндисидан солиб, яхшилаб аралаштириб турган ҳолда сув ҳаммомида қиздирилади. Бунда қалай (IV) қалай (II) га ўтади. Эритмани темир қириндисили чўкмадан ажратиб олиб, тоза пробиркага солинади (Эритма №4). Бу эритмадан Sn(II) ни Hg(NO₃)₂ ёрдамида очилади (эритмада қалай (II) ионлари бўлса, Hg(NO₃)₂ таъсирида чўкма тушади, реакция механизмини тушунтиринг).
   
2. 
   Эритма № 3 да алюминийни аниқлаш. Агар эритмада қалай очилган бўлса, уни рух метали таъсирида майдаланган руҳ кукунларидан солиб, бир неча минут мобайнида аралаштириб турилади. Агар эритма лойқаланса, унга лойқанинг йўқолгунича 2н. ли HCI эритмасидан томизилади. Эритмани чўкмадан центрифугалаб ажратиб олинади. чўкма ташлаб юборилади. Эритмага эса алюминийни очиш учун оксихинолин ёки ализарин эритмаларидан томизилади. (даставвал дарслик ёки лабаротория журналидан ушбу реакцияларнинг бориш шароитларини кўриш лозим).
   

Эритма № 2 нинг анализи (СrO₄^2- , AsO₄ ^3- ва [Zn(NH₃)₄]²⁺).

1. 
   Эритма № 2 да хромат ионларини очиш. Агар эритма рангсиз бўлса, унда хромат ионлари бўламайди. Демак уни очиш учун реакциялар ўтказмаса ҳам бўлади. Аксинча эритма сариқ рангли бўлса, у ҳолда хромат ионларини PbСrO₄ таркибли кислотага айлантириш йўли билан очилади. Эритма № 2 нинг 5-6 томчисига 2-3 томчи 3% ли Н₂О₂ эритмасидан ва озгина амил спирти ҳамда бир неча томчи 6н ли H₂SO₄ эритмаларидан томизилади. Ҳар гал пробиркани чайқатиб аралаштирилади. Хромат ионларининг таъсири натижасида спиртли қават кўк ранга киради.
   
2. 
   Эритма №2 да арсенат ионларини аниқлаш: Эритма № 2 нинг 5-6 томчисига шунча миқдорда конц. нитрат кислотасидан ва 10-15 томчи молибден суюқлигидан солинади. Эритмани яхшилаб аралаштириб қайнагунча қиздирилади. Агар эритмада арсенат ионлари мавжуд бўлса, сариқ кристаллик чўкма тушади.
   
3. 
   Эритма №2 да руҳ ионларини аниқлаш: Эритма № 2 нинг 5-6 томчисига шунча миқдордаги Na₂S эритмасидан томизилади. Na₂S таъсирида руҳ ионлари HCI да эримайдиган оқ чўкма беради. (ушбу эрувчанликни текшириб кўринг).
   

Чўкма № 1 нинг анализи: Ушбу чўкма таркибида қуйидаги моддалар бўлиши мумкин: Fe(OH)₃, MnО(OH)₂ , Mg(OH)₂ , Cu(OH)_2, Cd(OH)₂, Ni(OH)₂ , Co(OH)₂, Bi(OH)₃, HgO ва Sb(OH)₅.
Чўкма № 1 ни бир неча томчи водород пероксид иштирокида 2н ли нитрат кислотада сув ҳаммомида қиздирилган ҳолда эритилади (Н₂О₂ иштирокисиз MnО(OH)₂ ва Co(OH)₂ лар эримайди.) Натижада Fe³⁺, Mn²⁺, Mg²⁺, Cu²⁺, Cd²⁺, Ni²⁺, Co²⁺, Bi³⁺ ва Hg²⁺ ионларидан иборат эритма (эритма №5) ва HSbO₃ таркибли чўкма ҳосил бўлади. (Чўкма № 5). Эритма №-5 га кучсиз ишқорий муҳит ҳосил қилиш учун аммонийли буфер эритмасидан (конц. NH₃ ва NH₄CI) ҳамда 2-4 томчи Н₂О₂ эритмасидан томизилади. Яхшилаб аралаштирилган ҳолда сув ҳаммомида қиздирилади. Тўлиқ совитилгандан сўнг центрифуга қилинади. Чўкма № 5 эса конц. эритмани (Эритма №-6) ни чўкма (Чўкма № 6) дан ажратиб олинади. Чўкма суюқ аммиак эритмаси билан ювилади. Чўкма № 6 да баъзи IV гуруҳ катионларининг гидрооксидлари бўлиши мумкин. Fe(OH)₃, MnО(OH)₂, Bi(OH)₃. Эритма № 6 да эса [Mg(NH₃)₄]²⁺, [Cu(NH₃)₄]²⁺, [Cd(NH₃)₄]²⁺, [Ni(NH₃)₆]²⁺, [Co(NH₃)₄]²⁺, [Hg(NH₃)₄]²⁺ ионлари бўлиши мумкин.
Чўкма №5 конц. НСl да эритилади. Хосил бўлган эритмадан сурмани исталган реакцияси ёрдамида очилади.