Iii. Банк фаолиятини тартибга солиш

IV. БАНКЛАРГА ВАСИЙЛИК ҚИЛИШ

36-модда. Васийликни тайинлаш

37-модда. Васийнинг ваколатлари
36-модда. Васийликни тайинлаш

Банкнинг муваққат маъмуриятини тайинлаш тўғрисида қарор қабул қилинган тақдирда Марказий банк васий тайинлайди ва васийлик қилиш ҳақида фармойиш чиқаради. Фармойиш матбуотда эълон қилинган кундан эътиборан кучга киради.

Банкнинг олдиндан васийдан розилик олмай қилган ҳаракатлари ҳақиқий эмас.


Қаранг: АВ томонидан 1998 йил 19 декабрда 570-сон билан рўйхатга олинган МБ Бошқаруви томонидан тасдиқланган “Банкларга васийлик қилиш тўғрисида”ги Низом
37-модда. Васийнинг ваколатлари

Васий банкнинг мансабдор шахслари ва унинг акциядорлари ваколатларига, шунингдек банк аҳволини нормаллаштириш учун зарур чоралар кўриш, жумладан қонун ҳужжатларига мувофиқ филиалларни ёпиш, мансабдор шахсларни ва хизматчиларни ишдан бўшатиш ҳуқуқига эга бўлади.

Васий исталган пайтда фуқароларнинг депозитлари ва инвестициялари бир йилдан кўп бўлмаган муддатга қисман ёки тўла тўхтатиб қўйилганлигини эълон қилиши мумкин, бунда депозитлар ва инвестицияларнинг тахминий қийматини сақлаб қоладиган чоралар кўрилиши шарт.


Қаранг: АВ томонидан 1998 йил 19 декабрда 570-сон билан рўйхатга олинган МБ Бошқаруви томонидан тасдиқланган “Банкларга васийлик қилиш тўғрисида”ги Низомнинг 20-банди

Башарти, васийлик вақтида ёки васийлик даврининг охирида банкни соғломлаштиришнинг иложи йўқлиги Марказий банк томонидан аниқланса, у лицензияни чақириб олади ва белгиланган тартибда банкни тугатади.

Қаранг: АВ томонидан 1998 йил 19 декабрда 570-сон билан рўйхатга олинган МБ Бошқаруви томонидан тасдиқланган “Банкларга васийлик қилиш тўғрисида”ги Низомнинг 34-банди; АВ томонидан 1999 йил 11 февралда 626-сон билан рўйхатга олинган МБ Бошқаруви томонидан тасдиқланган “Банкларни тугатиш тартиби тўғрисида”ги Низом
V. БАНК МИЖОЗЛАРИНИНГ