Ii. Mustaqil ta’limni tashkil etish va baholash

II. MUSTAQIL TA’LIMNI TASHKIL ETISH VA BAHOLASH
Mustaqil ta’lim topshiriqlari mazkur kurs mazmunini toʻliq qamrab olish maqsadida tayyorlangan boʻlib, nazariy egallangan bilimlarni kengaytirish, talabalarning mustaqil oʻqish faoliyatini yoʻlga qoʻyishga asoslangan.
Talabalarning mustaqil ishlarini tashkil etishda quyidagi shakllar tavsiya qilinadi:
- dasturda tavsiya qilingan darslik va qo'llanmalardan foydalangan holda ona tili fanining bo'limlarini o'rganish;
- o'zlari mustaqil izlab topgan qo'shimcha adabiyotlardan foydalangan holda ona tili fanining bo'limlarini o'rganish;
- badiiy adabiyotlardan ona tili bo'yicha muayyan mavzularga doir misollar ko'chirish;
- chuqur o'rganilishi talab qilinadigan mavzular yuzasidan jadvallar va slaydlar tayyorlash;
- muayyan mavzular bo'yicha mustaqil tarzda test topshiriqlarini tayyorlash ;
- muayyan mavzular bo'yicha mustaqil tarzda lug'atlar tuzish ;
Mustaqil o'zlashtiriladigan mavzular boyicha talabalar tomonidan referatlar tayyorlash va uni taqdimot qilish tavsiya qilinadi.
Mustaqil ta’lim topshiriqlari talabaning oʻquv yuklamasining tarkibiy qismiga kirib, unda talaba tomonidan kuzgi semestrda 112 soat, bahorgi semestrda 74 soat hajmda toʻplanishi lozim. Mazkur kursdagi modullar yuzasidan topshiriqlar amaliy xarakterda boʻlib talaba tomonidan mustaqil oʻzlashtirilishi va topshirilishi shart.

№	Mustаqil tа’lim mavzulari	Ajratilgan soat	Mustaqil ish topshirig‘i
Kuzgi semestr
1.	Milliy va adabiy til.	8	Mavzuni ilmiy adabiyotlardan foydalangan holda yoritish (5-7 betlik konspekt)
2.	Fonetik va fonologik hodisalar	8	Slayd tayyorlash
3.	Ona tilining vokalizmi	8	Taqdimot tayyorlash
4.	Ona tilining konsonantizmi	8	Badiiy asarlardan misollar topib, undosh tovushlarni tahlil qilish.
5.	Nutqning fonetik boʻlinishi	8	Yozma javob berishga mo`ljallangan test savollarini ishlab chiqish (20-30 ta)
6.	Nutq tovushlarining fonetik oʻzgarishlari	8	40-45 daqiqaga mo`ljallangan dars ishlanmasi yaratish.
7.	Grafika	8	Mavzu bo`yicha referat tayyorlash.
8.	Orfografiya va orfoepiya	8	Test savollari tuzish (30-50 ta)
9.	Leksikologiya, uning ob’ekti, turlari, vazifalari. Ona tili lugʻat tarkibining ma’no jihatdan tavsiflanishi	8	Badiiy asarlardan misollar topib tahlil qilish.
10.	Lugʻat tarkibining shakl va ma’no munosabatlari jihatidan tavsiflanishi	8	O`zbek she`riyatida so`zning shakl va ma`no munosabatiga ko`ra turlarining ahamiyati doirasida ilmiy matn tuzish.
11.	Lugʻat tarkibidagi soʻzlarning kelib chiqishi, ijtimoiy guruhlar tomonidan qoʻllanishi jihatidan tavsiflanishi	8	Badiiy asarlardan misollar topib tahlil qilish.
12.	Lugʻat tarkibining faolligi yoki nofaolligi jihatidan tavsiflanishi; lugʻat tarkibining hissiy-ta’siriy boʻyoqdorligi jihatidan tavsiflanishi	8	Badiiy asarlardan nofaol so`zlarni aniqlab, tasnifi bo`yicha jadvallarga joylashtirish.
13.	Lugʻat tarkibidagi ajralmas birikmalar – frazeologik birikmalarning ma’no va tarkib jihatdan tavsiflanishi.	8	“Badiiy asarlarda frazeologizmlar va ularning ahamiyati” mavzusi doirasida ilmiy maqola yozish.
14.	Leksikografiya (lugʻatshunoslik). Lugʻatlar, ularning turlari	8	“Lingvistik lug`atlardan foydalanish bo`yicha maktab o`quvchilari uchun yo`riqnoma” mavzusida videorolik tayyorlash
	Jami	112