Ii. МикроқАРЗ БЕРИШ ШАРТЛАРИ ВА Микроқарз учун тўлов

III. ҲИСОБ-КИТОБЛАР ТАРТИБИ

3.1. Қарздор томонидан мазкур шартнома бўйича тегишли шартлар ва мажбуриятлар бажарилганидан сўнг, Банк Қарздорга микроқарз ажратади.

3.2. Қарздор мазкур Шартномага 1-сонли Иловага мувофиқ келтирилган микроқарзни сўндириш Графигида кўрсатилган муддатларга мувофиқ олинган микроқарзни ва унга ҳисобланган фоизларни сўндириш мажбуриятини олади.
3.3. Микроқарз бўйича фоизлар ҳар куни асосий қарз қолдиғига нисбатан ҳисоблаб борилади. Фоизларни ҳисоблаш учун йилни 365 кун деб ҳисоблаш методидан фойдаланилади.
3.4. Агар микроқарзни сўндириш Графиги бўйича тўлов куни дам олиш кунига тўғри келиб қолса, унда тўлов дам олиш кунидан кейинги кунга кўчирилади.
3.5. Асосий қарзнинг муддати ўтган қисми учун фоиз ставкаси муддати ўтган биринчи кундан микроқарзнинг муддати ўтган қисми тўлиқ сўндирилгунига қадар ҳисобланади.
Асосий қарз бўйича муддати ўтган қарздорликка нисбатан фоизлар Банк Тарифларига ва тузилган Микроқарз шартномаси шартларига мувофиқ бўлган ставкада ҳисобланади.
3.6. Муддати ўтган қарздорлик мавжуд бўлмаган тақдирда, микроқарз бўйича жорий қарздорликни сўндириш қуйидаги тартибда амалга оширилади:
- асосий қарзга ҳисобланган фоизлар;
- асосий қарз суммаси.
3.7. Муддати ўтган қарздорлик вужудга келган тақдирда, микроқарз бўйича қарздорликни сўндириш қуйидаги тартибда амалга оширилади:
- муддати ўтган қарздорлик вужудга келганлиги учун ҳисобланган фоизлар;
- муддати ўтган фоизлар;
- муддати ўтган асосий қарз суммаси;
- микроқарздан фойдаланганлик учун ҳисобланган, лекин муддати ўтмаган фоизлар;
- асосий қарз суммаси.
3.8. Мазкур шартнома шартларига асосан тўланиши лозим бўлган тўловлардан бирининг тўлаш муддати бузилганда, Банк Қарздорнинг Банкдаги барча ҳисобварағидаги маблағларни мемориал ордер асосида ҳисобдан чиқариш ва/ёки бошқа тижорат банкларида жойлашган асосий банк ҳисобварағига акцептсиз тўлов талабномаси тақдим этиш ҳуқуқини ўзида сақлаб қолади.