Ii. Дхш объектини ташкил этиш тартиби

1.5. Мазкур битим, жумладан, унинг иловалари битим предметига нисбатан тарафлар ўртасидаги барча аввалги оғзаки ёки ёзма келишувлар,
битимлар ёки қарорларни бекор қилувчи ва улардан устун турувчи тўлиқ келишувни англатади. Мазкур битимнинг иловалари унинг ажралмас қисми ҳисобланади ва у билан бир хил юридик кучга эгадир.
1.6. Мазкур битимнинг барча қоидалари ва шартлари мажбурий характерга эга ҳамда Тарафларга ёки Тарафларнинг ўзаро келишувига кўра уларнинг тегишли ҳуқуқ ва (ёки) мажбуриятлари берилиши мумкин бўлган шахсларга нисбатан қўлланилади.
II. ДХШ объектини ташкил этиш тартиби
2.1. Қорақалпоғистон Республикаси Элликкалъа туманидаги СНСЭ-№172 насос станциясини бошқариш, қуриш ва реконструкция қилиш, модернизациялаш, таъмирлаш ва тиклаш, сақлаш ҳамда унга хизмат кўрсатиш билан боғлиқ харажатлар мазкур битимга асосан, лойиҳанинг умумий қиймати 3 923,0 (уч миллиард тўққиз юз йигирма уч минг) сўмни ташкил қилади.
Беруний туманидаги ирригация ва мелиорация объектлари ҳамда насос станцияларини ДХШ асосида қуриш ва реконструкция қилиш, модернизациялаш, таъмирлаш ва тиклаш ҳамда сақлаш билан боғлиқ харажатлар мазкур битимга асосан 1-иловадаги молиялаштириш графигига мувофиқ 10 йил муддатга давлат шериги томонидан молиялаштирилиб борилади.
Хусусий инвестор томонидан киритиладиган маблағларни (жалб қилинадиган кредитлар ва фоизлар) қайтариш ва унинг оладиган соф фойдаси – инвестор томонидан объектда амалга ошириладиган тадбирлар натижасида электр энергияси сарфини камайтириш, иш хақи ва бошқа харажатларни оптималлаштириш ҳисобига иқтисод қилинадиган бюджет маблағлари ҳисобидан шаклланиши кўзда тутилади.
2.2. Давлат шериги томонидан ДХШ асосида бериладиган сув хўжалиги объектлари ва мол-мулклари мазкур битимнинг 2 иловасига мувофиқ икки томонлама имзоланадиган топшириш-қабул қилиш далолатномасида кўрсатилади.
2.3. Давлат шериги томонидан топширилган ҳар бир объект ва мол-мулкларни хусусий шерик қабул қилиб олади.
2.4. Қабул қилиб олинган мол-мулкларга зарар етмаслиги учун жавобгарлигини амалдаги қонун ҳужжатларига мувофиқ хусусий шерик
ўз зиммасига олади.
2.5. Хусусий шерик лойиҳа муддати давомида ирригация ва мелиорация объектлари ва насос станцияларини қуриш ва реконструкция қилиш, таъмирлаш ва тиклаш, сақлаш, модернизация қилиш ҳамда унга хизмат кўрсатиш билан боғлиқ ишлар ва иш фаолиятида объектларни сифатли сақлаш бўйича мажбуриятни ўз зиммасига олади. Амалга ошириладиган давлат-хусусий шериклик шартлари асосида бошқариш лойиҳаси самарадорлик(KPI) кўрсаткичлари 3-иловага мувофиқ белгиланади