Ii bob. Tashkilotning maqsad va vazifalari

II BOB. TASHKILOTNING MAQSAD VA VAZIFALARI

2.1. Tashkilotning asosiy maqsadi ( bolalarni milliy g‘oya asosida Vatanning sodiq farzandlari va komil inson etib tarbiyalash, ularning huquq-manfaatlarini ifoda etish va himoya qilish, iste’dod va qobiliyatlarini namoyon qilishlari hamda rivojlantirishlari uchun shart-sharoitlar yaratib berishdan iboratdir.

2.2. Tashkilot o‘zining asosiy maqsadlaridan kelib chiqib quyidagi ustuvor yo‘nalishlar va bu yo‘nalishlar bo‘yicha asosiy vazifalarni amalga oshiradi:
I. Huquqiy savodxonlik yo‘nalishi – bolalarning huquqiy savodxonligi va madaniyatini yuksaltirish hamda ular o‘rtasida nazoratsizlik va huquqbuzarliklarning profilaktikasiga ko‘maklashish.
II. Ma’naviyat va ma’rifat yo‘nalishi – bolalarni ma’naviy-axloqiy jihatdan yetuk, komil va vatanparvar inson sifatida tarbiyalash, ularda milliy g‘urur va umuminsoniy qadriyatlarga hurmat tuyg‘ularini shakllantirish.
III. Iqtidorli bolalar yo‘nalishi – iste’dodli bolalarni qo‘llab-quvvatlash hamda ularning iste’dodi, ijtimoiy faolligi, tashabbuskorligini rivojlantirishga ko‘maklashish.
IV. Sport, salomatlik va ekologiya yo‘nalishi – bolalar o‘rtasida sport-sog‘lomlashtirish, sog‘lom turmush tarzi va ekologik madaniyatni targ‘ib etish, ularni sport bilan muntazam shug‘ullanishga, tabiatni asrash ishiga keng jalb qilish.
V. Mehr-sahovat yo‘nalishi – kam ta’minlagan oila farzandlari, imkoniyati cheklangan bolalar bilan ishlash, hamda keksa va nafaqadagi faxriylar holidan xabar olish ishlarini amalga oshirish.
VI. Matbuot yo‘nalishi – tashkilot faoliyatiga oid ma’lumotlarni, o‘tkazilgan tadbirlarni umumiy o‘rta ta’lim maktablaridagi devoriy gazetalar, ommaviy axborot vositalari orqali keng yoritilishini ta’minlash.

“KAMALAK” BOLALAR TASHKILOTI TO‘GARAKLARI

“Yosh ixtirochilar” to‘garagi	“O‘quvchi yoshlar teatri” to‘garagi
“Yosh hunarmandlar” to‘garagi	“Yosh qalamkashlar” to‘garagi

“KAMALAK” BOLALAR TASHKILOTINING VAZIFALARI

Birinchidan, bolalarning har tomonlama huquqiy manfaatlarini himoya qilish;


ikkinchidan, bolalarni milliy g’oya, umuminsoniy va milliy qadriyatlar asosida tarbiyalash, bolalarda ona Vatanni sevish, ardoqlash, o’z Vatani bilan g’ururlanish va Vatan taraqqiyoti uchun o’z hissasini qo’shish tuyg’ularini kuchaytirish;


uchinchidan, bolalarda ekologik madaniyatni shakllantirish, tabiatni muhofaza qilish va asrab-avaylash ko’nikmalarini shakllantirish;


to’rtinchidan, bolalarda insonparvarlik va mehribonlik fazilatlarini tarbiyalash;


beshinchidan, bolalarning iqtidori va iste’dodini qo’llab-quvvatlash hamda rivojlantirish;


oltinchidan, bolalar o’rtasida sport bilan shug’ullanish, shaxsiy gigiena qoidalariga rioya etish, ertalabki badantarbiya mashg’ulotlarini bajarish kabi qadriyatlarni targ’ib qilish;


ettinchidan, bolalarni ajdodlarimiz va xalqimiz merosi bilan yaqindan tanishtirish, ular o’rtasida turizmni rivojlantirishdan iboratdir.