Ii bob. Iqtisodiyot va uning umumiy shart-sharoiti

Inson uchun ahamiyatiga qarab birlamchi va ikkilamchi ehtiyojlar bo'ladi.

Birlamchi ehtiyoj — bu moddiy, birinchi navbatda qondiriladigan, eng zarur bo'lgan ehtiyoj hisoblanadi, bunga ovqatlanish, kiyinish, turar joyga ega bo'lish kabi ehtiyojlar kiradi.

Ikkilamchi ehtiyojlar — bu ko'pincha nomoddiy, ya’ni ijtimoiy ehtiyojlar bo'ladi, bunga bilim olish, malaka oshirish, davolanish, dam olish kabi ehtiyojlar kiradi.

Ehtiyojlar ularning kimga taalluqli bo'lishi jihatidan ham farqlanib 4 turga ajratiladi:

• 1) individual, ya’ni yakka ehtiyoj. Bu ayrim kishining yoki xonadonning ehtiyoji;
• 2) guruhiy — korporativ ehtiyoj. Bu ayrim guruhlarga, masalan, jamoalarga birlashgan kishilarning umumiy ehtiyoji;
• 3) Hududiy ehtiyoj-Bu ayrim hududlarda istiqomat qiluvchi kishilarning birgalikdagi ehtiyoji;
• 4) umumjamiyat ehtiyoji- Bu kishilarning jamiyat miqyosidagi hamma uchun umumiy bo'lgan ehtiyoji. Buni umummilliy ehtiyoj, deb atash ham mumkin.