Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

1. Иситиш тизимлари ҳақида умумий маълумотлар. Вазифаси, турлари. / 2; 10; 13; 17; 18/
Иситиш тизимлари ва уларнинг асосий элементлари ҳисобланган иссиқлик генератори, иссиқлик ўтказгич ва иситиш қурилмалари тўғрисида маълумот бериш керак. Иситиш тизимларида ишлатиладиган иссиқлик ташувчиларнинг тавсифи. Марказий иситиш тизимининг маҳаллий тизимдан фарқи. Газ ва электр билан иситиш.
Иситиш деб- йилнинг совуқ мавсумларида одамларнинг иш фаолиятлари ҳамда дам олишлари учун бино ва иншоат хоналарининг меъёрий ҳароратини сунъий усулда иситиб туришига айтилади. Шу хоналарда иссиқликни кўрсатилган меъёрий ҳароратига етказишда, иситиш тизимини ташкил этувчи бир-бирига боғлиқ бўлган иситиш қурилмалари бажаради.
Иситиш тизимларининг асосий конструктив элементлари қуйидагилардан иборат:
-иссиқлик генератори ёки иситиш печи (теплообменник);
-иссиқлик қувурлари (теплопровод);
-қизитиш асбоблари (нагревательные приборы).
Иссиқлик генераторларининг жойлашишига ва уларнинг радиусига қараб, иситиш тизимлари икки турга бўлинади:
-маҳаллий;
-марказий.
Маҳаллий иситиш тизимларида қиздиргичлар, яъни печкалар, иситиладиган хоналарда жойлаштирилади. Бундай турдаги маҳаллий иситиш тизимларига -печ ёрдамида иситиладиган ва электр ёрдамида ишлатиладиган қиздиргич асбоблари, шунингдек маиший газ иситиш асбоблари (газ колонкалари, сув билан иситиш) киради. Маҳаллий иситиш тизимлари бир ёки бир бирига боғланган (смежных) бир неча хонани иситади.
Марказий иситиш тизимларида қиздиргичлар бинолардан ташқарида жойлаштирилган бўлиб, иссиқлик берувчи қувурлар ёрдамида иситилади. Марказий иситиш тизимларидаги иссиқлик генераторлари ёрдамида шаҳар ёки тумандаги бир неча бинолар иситиб берилиши мумкин.


2. Қиздиргич печларининг ёнғиндан хавфлилиги.
/ 10; 13; 18/
Қиздиргич печларининг тури ва уларнинг конструктив ишланиши; печларнинг иссиқлик сиғими, тутунни чиқариш канали; печларнинг қиздириш ҳароратига кўра таснифланиши; печлардаги ёнғин чиқиши сабаблари.
Иситиш қиздиргичлари ҳажми, девор қалинлиги, асосий материаллар, қаватларининг сони, тутун газини қўзғалиш схемаси, тутун чиқариш турига, иситишига ва конструкцияларига қараб таснифланади.
хажми ва девор қалинлигига қараб қиздиргич печлари:

• 
  иссиқ сиғимли (ҳажми 0,2 м³ дан ортиқ, оловхона жараёнидаги ташқи деворнинг қалинлиги 6 см дан кам бўлмаган, қолган деворларининг қалинлиги 4 см дан кам бўлмаган);
  
• 
  иссиқ сиғимсиз (ҳажми 0,2 м³ гача бўлган).