12-kazus Fuqaro U.Mahmudovga arizasiga binoan Toshkent viloyati Kalinin tuman “Qorasuv” sovxozi profsoyuzi qo‘mitasi yig‘ilishining 26.09.1987 yildagi 12-sonli bayonnomasi va Xonabod qishloq xalk deputatlari kengashining 8-sonli qaroriga asosan uy-joy qurish uchun “Qorasuv” sovxozi hududidan 0,06 gektar yer uchastkasi ajratib berildi. Biroq, Toshkent shahar hokimining “Toshkent aeroporti atrofida ta’mirlash, obodonlashtirish, avtoturargohlar tashkil qilish va buzilish ishlarini olib borish” haqidagi 30.12.2010 yildagi 750-sonli qaroriga asosan yuqorida ko‘rsatilgan yer uchastkasi joylashgan hudud buzilish hududiga tushdi va shu sababli ushbu yer uchastkasida qurilish ishlari olib borilmadi. U.Mahmudovga Sergeli tuman hokimiyatiga murojaat qilganida hokimiyat mansabdor shaxslari arizachiga davlat ehtiyoji uchun olib qo‘yilayotgan yer uchastkasi evaziga boshqa yer berish masalasi ushbu hududda buzilish ishlari amalga oshirilayotgan vaqtda ko‘rib chiqilishi haqida ma’lum qilindi. U.Mahmudov ayni vaqtda farzandlari uchun qo‘shimcha turar joy qurib berishga muhtojligini, lekin hokimiyat mansabdor shaxslarining harakatsizligi sababli yer uchastkasini ololmayotganligini ko‘rsatib, shikoyat arizasiniqanoatlantirishni, hokimiyatning arizachigi yer ajratish talabini rad etish ko‘rinishidagi harakatini noqonuniy deb topishni va hokimiyat zimmasiga davlat ehtiyojlari uchun olib qo‘yilayotgan 0,06 gektar yer uchastkasiga mutanosib boshqa yer uchastkasi ajratib berish majburiyatini yuklashni so‘rab sudga shikoyat qilgan.
Vaziyatga huquqiy baho bering.
09.06.2021 yildagi Yer munosabatlarida tenglik va shaffoflikni ta`minlash, yerga bo’lgan huquqlarni ishonchli himoya qilish va ularni bozor aktiviga aylantirish chora-tadbirlari to’g’risidagi farmoniga asosan Mahalliy davlat hokimiyati organlarining yer uchastkalarini to’g’ridan to’g’ri foydalanishga berish, kelgusida ajratish uchun zahiralash 2021-yil 1-avgustdan boshlab bekor qilingan. Ushbu asosga ko’ra fuqaroga Toshkent viloyati Kalinin tuman “Qorasuv” sovxozi profsoyuzi qo‘mitasi yig‘ilishining 26.09.1987 yildagi 12-sonli bayonnomasi va Xonabod qishloq xalk deputatlari kengashining 8-sonli qaroriga asosan berish huquqiy asoslariga ega emas. Yer kodeksining 23-moddasiga ko’ra yer uchastkalarini mulk qilib electron onlayn auksion vositasida, doimiy foydalanishga berish viloyatlar va Toshkent shahar hokimi tomonidan amalga oshiriladi. Yer kodeksining 37-moddasiga asosan yer uchastkasini aeroport qurish uchun olib qo’yish mumkin. Lekin bu olib qo’yish faqat tegishincha xalq deputatlari viloyalar va Toshkent shahar kengashlarining qaroriga yoxud Vazirlar Mahkamasining qaroriga binoan amalga oshiriladi. Ushbu asoslarga ko’ra fuqaroga yer noqonuniy berilgan va undan olib qo’yish ham noqonuniy amalga oshirilgan.
13-kazus
Fuqaro S.Valiyev 1984-yil 26-noyabrda tug‘ilgan va bu xaqida Samarqand
viloyati Payariq tumani Vatan QFY tomonidan 26.11.1984 yilda №495-sonli
dalolatnoma yozuvi qayd etilgan. Lekin, fuqaro S.Valiyevning boshqa huquqni vujudga keltiruvchi hujjatlari, shu jumladan Payariq tuman FHDYo bo‘limi tomonidan 21.10.2003 yilda №593-son bilan qayd etilgan nikoh tuzilganlik haqidagi dalolatnoma yozuvida, 12.06.2002 yilda №1502-son bilan qayd etilgan farzandi Shayxov Ilg‘or Shaxobiddin o‘g‘lining tug‘ilganlik dalolatnoma yozuvidagi “Onasi” ustunida, Uchtepa tuman FHDYo bo‘limining 04.12.2003 yilda №2311-son bilan qayd etilgan qizi Shayxova Iroda Shaxobiddin qizining hamda 09.10.2006 yilda №2108-son bilan qayd etilgan qizi Shayxova Farangiz Shaxobiddin qizining, 29.03.2011 yilda №715-son bilan qayd etilgan o‘g‘li Shayxov Abduvoxid Shaxobiddin o‘g‘lining tug‘ilganlik dalolatnoma yozuvidagi “Onasi” ustunida, eng asosiysi Uchtepa tuman IIB XChK va FB tomonidan 21.02.2017 yilda berilgan fuqarolik pasportini olishda Forma №1 shakldagi arizasida tug‘ilgan vaqti 02.11.1981 yil deb ko‘rsatilgan Shu munosabat bilan fuqaro S.Valiev Samarqand viloyati Payariq tuman FHDYo bo‘limiga uning tug‘ilganlik haqidagi dalolatnoma yozuviga o‘zgartirish kiritib berish to‘g‘risida murojaat qilgan.Samarqand viloyati Payariq tuman FHDYo bo‘limi tomonidan fuqaro S.Valievga dalolatnoma yozuvini o‘zgartirish, tuzatish va to‘ldirish to‘g‘risida rad javobi berilgan.
Vaziyatga huquqiy baho bering.
Fuqarolik holati dalolatnomalarini qayd etish qoidalarini tasdiqlash to’g’risidagi Vazirlar Mahkamasining qaroriga ko’ra, Dalolatnoma yozuvlariga o‘zgartirishlar, tuzatishlar va qo‘shimchalar kiritish yetarli asoslar mavjud bo‘lganda va manfaatdor shaxslar o‘rtasida nizo bo‘lmaganda, ushbu yozuvlar saqlanayotgan joydagi, agar ular O‘zbekiston Respublikasi hududida tuzilgan bo‘lsa, FHDY organi tomonidan amalga oshiriladi.
O‘n olti yoshga to‘lgan shaxslarning tug‘ilganlik, nikoh tuzilganligi, nikohdan ajralganlik haqidagi dalolatnoma yozuvlariga o‘zgartirishlar kiritish ularning arizasiga ko‘ra amalga oshiriladi.
