“Ichki ishlar organlari kadrlari bilan ishlash va ularning xizmatini tashkil etish tartibini tubdan takomillashtirish chora-tadbirlari to’g’risida”

navbatdagi attestatsiya besh yilda bir marta yoki navbatdagi maxsus unvon berish uchun o‘tkaziladi. Bundan ko’rinib turibdiki, xodimlarni har besh yilda bir marta attestasiya o’tkazilishi kerak ekan.
Demak, bundan bilishimiz mumkinki, Samarqand shahar IIB boshlig’ining 2018 yil 15 yanvarda xodimlarni attestasiyadan o’tkazish to’g’risida buyruq chiqarib, tergov bo‘limi boshlig‘i, polkovnik I.Qosimovni attestasiyaga jalb etishi noqonuniy hisoblanadi. Chunki tergov bo‘limi boshlig‘i, polkovnik I.Qosimov 2016-yilda attestasiyadan o’tkanligini ta’kidlamoqda. Tergov bo‘limi boshlig‘i, polkovnik I.Qosimov 2016-yilda attestasiya o’tganligini hisobga olib, oradan 5 yil muddat o’tganidan so’ng uni attestasiyadan o’tkazish kerak edi. Shunda attestasiya qonuniy o’tkazilgan hisoblanardi.
Uchinchi muammoga to’xtaladigan bo’lsak, PQ 3413 sonli qarorining 150-bandiga asosan, Xodimlarning xizmatdan bo‘shatilishi quyidagi tartibda amalga oshiriladi:
“podpolkovnik” maxsus unvonigacha, shu jumladan “podpolkovnik” unvoni ham, — O‘zbekiston Respublikasi ichki ishlar vazirining yoki xizmatga qabul qilish vakolatiga ega boshliqning buyrug‘i bilan;
“polkovnik” va undan yuqori maxsus unvonlardagi xodimlar — belgilangan tartibda O‘zbekiston Respublikasi ichki ishlar vazirining buyrug‘i bilan.
Bundan ma’lum bo’ladiki, Samarqand shahar IIB boshlig’ining xatti-harakatlari, ya’ni tergov bo‘limi boshlig‘i, polkovnik I.Qosimovni xizmatdan bo’shatishga huquqi yo’q. Bunday vakolat O’zbekiston Respublikasi ichki ishlar vazirida mavjud. Tergov bo‘limi boshlig‘i, polkovnik I.Qosimovni O’zbekiston Respublikasi ichki ishlar vazirining buyrug’i bilan xizmatdan ozod qilish mumkin.
To’rtinchi masalaga keladigan bo’lsak, PQ 3413 sonli qarorining 27-bandiga muvofiq, xodimlarga nisbatan quyidagi intizomiy jazo choralari qo‘llanilishi mumkin:
a) tanbeh;
b) hayfsan;
v) qattiq hayfsan;
g) lavozim maoshining ellik foizdan ko‘p bo‘lmagan miqdorda jarima;
d) maxsus unvonini bir pog‘ona pasaytirish;
e) egallab turgan lavozimidan ozod etish;
j) gaupvaxtada hibsda ushlab turish;
z) ichki ishlar organlari xizmatidan bo‘shatish.
Undan tashqari ushbu PQ ning 46-bandiga muvofiq, intizomiy jazo choralari, qoida tariqasida, quyidagicha qo‘llaniladi:
lavozim maoshining ellik foizdan ko‘p bo‘lmagan miqdorda jarima — amaldagi intizomiy jazosi bor-yo‘qligidan qat’i nazar, xizmat intizomini, normativ-huquqiy hujjatlar va Ustav talablarini qo‘pol ravishda buzgan, xizmat burchiga mas’uliyatsiz yondashgan, ish samaradorligi past bo‘lgan xodimlarga nisbatan.
Yuqoridagi holatda ko’rinib turibdiki, Samarqand shahar IIB boshlig’ining tergov bo‘limi boshlig‘i, polkovnik I.Qosimovga nisbatan ikkita intizomiy jazo, ya’ni PQ 3413 sonli qarorining 27-bandini ”z” va “g” bandlarida nazarda tutilgan intizomiy jazolarni qo’llamoqda. Bu intizomiy jazolarning qo’llanilishi uchun asos qonuniy emas deb hisoblashimiz mumkin, chunki attestasiya qonunda belgilangan muddatda o’tkazilmagan, ya’ni muddatdan oldin attestasiya o’tkazilgan.
Xulosa o’rnida aytish mumkinki, tergov bo‘limi boshlig‘i, polkovnik I.Qosimovning e’tirozlari o’rinli. Yana qo’shimcha sifatida aytish mumkinki, tergov bo‘limi boshlig‘i, polkovnik I.Qosimov sudga murojaat qilmasdan oldin Samarqand shahar IIB boshlig’ining noqonuniy xatti-harakatlari ustidan undan yuqori turuvchi organ hisoblangan Samarqand viloyat IIB ga murojaat qilishi kerak edi. Samarqand viloyat IIB uning e’tirozlarini qondirmagan taqdirda sudga murojaat qilganda edi to’g’ri yo’l tutgan bo’lardi. Lekin uning ma’muriy organ ustidan sudga murojaat qilishi ham noto’g’ri hisoblanmaydi.