Ichki ishlar idoralari xodimlarining

Takrorlash uchun savol va topshiriqlar

1. 
   Estetik kategoriyalar deb nimaga aytiladi va ularga qanday kategoriyalar kiradi?
   
2. 
   Nafosat nima? Uning xususiyatlarini aytib bering.
   
3. 
   Go‘zallik nima va u xunuklikdan nimasi bilan farq qiladi?
   
4. 
   Ulug‘vorlik deganda nimani tushunasiz? Tabiatdagi va jamiyatdagi ulug‘vorlik o‘rtasida farq bormi?
   
5. 
   Qahramonlik deb nimaga aytiladi? Ichki ishlar idoralarining har bir xodimi qahramonlik ko‘rsatishga qodirmi? Qanday odam qahramonlik ko‘rsata oladi?
   
6. 
   Fojialilik nima? O‘g‘rining o‘limi fojiami?
   
7. 
   Kulgililikning qanday shakllarini bilasiz? Ularga hayotingizdan misollar keltiring.
   

2. bob

SAN’AT VA UNING ICHKI ISHLAR IDORALARI XODIMLARI ESTETIK MADANIYATINI SHAKLLANTIRISHDA TUTGAN O‘RNI
1-§. SAN’ATNING VUJUDGA KELISHI, IJTIMOIY MOHIYATI VA TA’RIFI
Atrofimizni o‘rab turgan olam qanchalik rang-barang, serjilo bo‘lsa, uning ijodiy in’ikosi bo‘lgan san’at ham shunchalik xilma-xildir. U insonlarga zavq-shavq bag‘ishlovchi, ularning har tomonlama barkamol- likka erishuvlariga xizmat qiluvchi ijtimoiy hayotning ko‘p qirrali, murakkab ehsonlaridan biridir.
Dunyoda inson zoti borki, ona allasini tinglab ulg‘ayadi, qo‘shiq aytib o‘z mehnatidan bahra oladi, hazil-mutoyiba qilib hordiq chiqaradi, badiiy asarlar o‘qib, ko‘nglidagi qahramonlarini topadi. Bularning hammasi san’at inson va jamiyat hayotining ajralmas qismlaridan biri ekanligidan darak beradi.
Shuning uchun ham san’at nima, u qanday paydo bo‘lgan, uning odamlarga zavq-shavq bag‘ishlovchi, insoniyatni halokatlardan saqlab qoluvchi sehrli kuchi nimada, degan savollar turli zamonlarda yashab o‘tgan olimu fozillarning diqqat markazida bo‘lib kelgan.
San’atning paydo bo‘lishi haqidagi nazariyalar. San’atning vujudga kelishi to‘g‘risida fanda turli fikrlar, qarashlar va nazariyalar mavjud. Shulardan asosiylariga to‘xtalib o‘tamiz.