Ichki ishlar idoralari xodimlarining

Xushmuomalalik haqida mutafakkirlar shunday deyishgan:

– Hayotda muvaffaqiyat qozonish uchun talantdan ko‘ra kishilar bilan xushmuomalada bo‘lish ko‘proq muhimdir. (J.Lebbok)

• 
  Xushmuomalalik va kamtarlik kishining chinakam ma’rifatliligidan darak. (O.Balzak)
  
• 
  Ozginagina xushmuomalalik hayotingizni yoqimli, kunni esa nurafshon etadi.(K.Bouvi)
  
• 
  Xushmuomalalik eng zarur va eng yoqimli ezgulikdir.(J.Lokk)
  
• 
  Haqiqiy xushmuomalalik odamlar bilan muruvvatli munosabatdan iboratdir.(J.J.Russo)
  

¹ Hilm – muloyim tabiatlilik.

• 
  Xushmuomalalik hech narsa turmaydi-yu, ammo ko‘p naf keltiradi. (M.Montegyu)
  

Odoblilik – yaxshi tarbiya ko‘rganlikning namoyon bo‘lishi, xatti- harakatlarda, so‘zlashuvda me’yorni, chegarani, muvofiqlik va nomuvo- fiqlikni bilishdir. Odoblilikning asosiy belgisi – o‘zini tuta bilish, hukm chiqarishda shoshmaslik, kishilarning orqasidan g‘iybat qilmaslik, o‘zgalar fikrini tinglay bilish, shirinso‘zlik hisoblanadi.
Ichki ishlar idoralari xodimlarining odobi – bu har bir xodimning o‘z xizmat vazifasini bajarishda shirinso‘zlik, sipolik, bosiqlik, xokisorlik, mehr-muruvvat ila hech kimni kamsitmasdan fuqarolar bilan bo‘ladigan muloqotlarining yaxlit ko‘rinishidir.
Ichki ishlar idoralari xodimlarining odobliligi:

• 
  odamlar orasida o‘z tanishi bilan boshqalar bilishi shart bo‘lmagan ishlar haqida ovozni baland qo‘yib gaplashmasligida;
  
• 
  suhbat chog‘ida o‘zini bosiqlik bilan tuta bilishida;
  
• 
  boshqa kishilarning xatti-harakatlari va xarakteri haqida hukm chiqarishda shoshilmasligida;
  
• 
  kishilarning orqasidan g‘iybat qilmasligida;
  
• 
  birovni nohaq xafa qilmasligida;
  
• 
  suhbatdoshi istamagan suhbatni sipolik bilan yakunlab qo‘ya qolishida;
  
• 
  o‘zi haqida gapirmasligi yoki juda ham kam gapirishida ko‘rinadi va h.k.