«Ибрайым Юсупов избасарлары» ҳәм «Тѳлепберген Қайыпбергенов шығармаларының билимданы» таңлаўын ѳткериў бойынша Қоспа қарары

IV. Таӊлаўды өткериў мүддетти ҳәм басқышлары
IV.1. Таӊлаўға улыўма билим бериў мектеп оқыўшылары арасында дөретиўшилик қǝбилетине қызығыўшы китапқумар жаслар қатнасыўы мүмкин.
IV.2. Таңлаўдыӊ биринши районлық басқышы май айыныӊ биринши он күнлигинде, екинши Қарақалпақстан Республикалық басқышы май айыныӊ екинши он күнлигинде өткериледи
IV.3. Таӊлаў жеӊимпазларын сыйлықлаў мәресими таӊлаў жуўмақланған күниниӊ өзинде шөлкемлестириледи.
IV.4. Барлық шөлкемлестирилген таӊлаўлар бирге ислесиўши шөлкемлердиӊ веб-сайты, телеграмм тармақлары арқалы кеӊ сәўлеленип барылады.
V.Таӊлаўға қатнасыў тәртиби
V.1. Таӊлаўдыӊ районлық басқышына қатнасыў ушын шөлкемлестириўши топар қурамына төмендеги ҳүжжетлер тапсырылыўы шәрт:
А) Қатнасыўшылардыӊ метрика копиясы ҳәм сүўрети 1 дана
Б) Таӊлаўдыӊ қала ҳәм район басқышларыныӊ өткерилгенлиги ҳаққында баянлама нусқасы;
V.2. Мүддеттен кешигип тапсырылған ҳүжжетлер қабыл етилмейди.
V.3. Шайырлардыӊ шығармалары, қосықлары ядтан атқарылыўы шәрт.
V.4. Таӊлаўдыӊ Қарақалпақстан Республикалық басқышына ҳәр бир аймақтан 1-орын жеӊимпазлары қатнастырылады, 2-орын жеӊимпазлары қатнастырылмайды.
V.5. Барлық дәрежедеги төрешилер қурамы қарары қатаӊ жағдайда белгиленип қайта өзгерттирилмейди, наразылықлар, қабыл етилмейди.
V.6. Таӊлаў қатнасыўшыларыныӊ келип-кетиўин Қарақалпақстан Республикасы Халық билимлендириў Министрлигиниӊ қала ҳәм районлық бөлимлери тәрпинен тәмийнлейди ҳәм де мектеп оқытыўшысы алып келеди.
VI. Таӊлаў шәртлери
VI.1.«Ибрайым Юсупов избасарлары» ҳәм«Тѳлепберген Қайыпбергенов шығармаларының билимданы»таңлаўыныӊ район басқышында 3 шәрт тийкарында өткериледи;
- «Бахру-байт айтысы, даўамын айтыў»
- «Шайырлар шығармаларыныӊ билимданы»
- «Жас китапхан» қосық айтыў шәрти
VI.2. Биринши шәрт; «Бахру-байт айтысы, даўамын айтыў» деп аталады. Бул шәртте биринши қатнасыўшы шайырлар И.Юсупов ҳәм Т.Қайыпбергеновлардыӊ қәлеген қосықларынан бириниӊ еки қатарын айтады кийинги қатнасыўшы сол қосықтың изин толықтырып, даўамлаўы керек. Қатнасыўшылар избе-изликте дизилип турып шәрт басланады ҳәм тезлик пенен айта алмай қалған қатнасыўшы ойыннан шығады сол тәризде шәрт даўамланып ең көп қосықты шаққанлық пенен таўып айта алған қатнасыўшы ойын ақырында белгиленеди. Бул шәртте еӊ соӊғы қалған яғыный көп қосық айта алған қатнасыўшыныӊ қосықларды билиў дәрежеси 10 баллық системада баҳаланады. (Бул шәртте ҳәр бир қатнасыўшығы ойланыў ушын 1 минут ўақыт бериледи, барлық қатнасыўшыға кететуғын ўақыт 1-саат)