Ibragimova nafosat shuhrat qizi bitiruv malakaviy ishi mavzu: dilafgor adabiy merosi

 
Bitiruv ishining ob'ekti va predmeti.
Dilafgorning “Gulshani Dilafgor” 
to„plami tadqiqot ob'ektidir. Dilafgor hayoti va ijodiga oid manbalar va tadqiqotlar 
bitiruv ishning predmetini tashkil etadi.
Tadqiqotning manbalari 
sifatida O„zbekiston Respublikasi Fanlar 
akademiyasi Alisher Navoiy nomidagi Adabiyot muzeyi qo„lyozmalar fondida 
saqlanayotgan 
qo„lyozma 
bayozlar, 
“Tazkirai 
Qayyumiy”, 
Mo„minjon 
Muhammadjonov – Toshqinning “Toshkent shoirlari” tazkiralaridan va “Asrlar 
nidosi” hamda “Gulshani Dilafgor” to„plamlaridan foydalanildi. 
Bitiruv ishining metodlari. 
Ishni yozishda tarixiy-qiyosiy usuldan 
foydalanildi. Ishda ilmiy-nazariy qarashlarni dalillashda Prezident Sh.Mirziyoyev 
asarlari va nutqlaridagi milliy ma'naviy merosni o„rganishga doir ko„rsatmalar, 
o„zbek adabiyotshunosligi namoyandalari erishgan ilmiy natijalar metodologik 
asos vazifasini bajardi. 
Bitiruv ishini yozishda A.Qayumov, B.Qosimov, Sh.Yusupov, N.Karimov, 
U.Dolimov, N.Rahmonov, N.Jabborov, B.Karimov, U.Jo„raqulov, Sh.Amonov 
kabi adabiyotshunos va matnshunoslarning ilmiy tajribalariga tayanildi. Mavzuni 
yoritishda qiyosiy-metodologik hamda tarixiy metoddan foydalanildi. 

---

6 
Tadqiqotning ilmiy yangiligi.
Dilafgorning merosi ilk bor maxsus tadqiqot 
ob‟ekti sifatida o„rganilmoqda. Shoir ijodining manbalari ilmiy tasnif etilib, 
qiyosiy tahlil etilgani, Dilafgorning ilmiy biografiyasini yaratishda muayyan 
natijalarga erishilgani, she'rlarining janr xususiyatlari o„rganilgani, mavzu ko„lami 
hamda obrazlar tizimi nuqtai nazaridan tadqiq qilingani Dilafgorning milliy 
adabiyotimiz tarixida tutgan o„rni belgilangani ham tadqiqotning ilmiy yangiligi
hisoblanadi.
Ishning nazariy va amaliy ahamiyati.
Dilafgor hayoti va ijodi, xususan, 
she'riyatining milliy adabiyot hamda uning tarkibiy qismi bo„lmish adabiy 
manbashunoslik va matnshunoslikning nazariy asoslariga tayanib tadqiq qilingani
ishning ilmiy ahamiyatidan dalolat beradi. 
Ilmiy tadqiqot natijalaridan oliy va o„rta maxsus ta'lim muassasalari 
filologiya fakultetlarida, akademik litsey, kasb-hunar kollejlarida “Milliy 
uyg„onish davri o„zbek adabiyoti”, “O„zbek adabiyoti tarixi” fanlaridan dars 
mashg„ulotlari o„tishda foydalanish mumkin.