Ibragimov nutfillo salimovich destinatsion menejment

ziyorat yondashuvi
ga borib taqaladi. 
Buxoro  va  Samarqand  azaldan  savdo-sotiq,  tijorat  va  madaniy 
turizmning  markazi  bo`lishi  bilan  birga,  islom  olamining  o`ta  muhim 
o`choqlaridan  biridir.  Ular  buyuk  allomalar,  avliyolar,  shayxu-oriflar 
vatani  bo`lgani  uchun,  ayni  joylarni  ziyorat  qilishga  ko`p  kishilar 
kelgan.  Butun  jahonga  mashhur  bo`lgan  Xo`jagon  va  Naqshbandiya 
so`fiylik  tariqatining  Buxoroda  vujudga  kelib  taraqqiy  etishi  va  keng 
yoyilishi  ayni  yo`l  muxlislarini  XIII-XIV  asrdan  boshlab  bu  muqaddas 
zamin  tomon  jalb  eta  boshladi.  Faylasuf  olima  G.Navro`zovaning 
fikricha,  shu  tarixiy  faktdan  samarali  foydalanilgan  holda  “Yetti  Pir” 
turistik  yo`nalishini  yaratib  Buxoroda  diniy  turizmni  rivojlantirish 
imkoniyatidan  foydalanish  maqsadga  muvofiq  [121,  122].  Qolaversa, 
Samarqandda  payg`ambar  avlodlaridan  bo`lmish  Xusam  ibn  Abbos  va 
hadis 
ilmining 
sultoni 
Imom 
Al-Buxoriylar 
maqbaralarining 
joylashganligi,  jahon  musulmonlarida  O`zbekistonga  nisbatan  katta 
qiziqishning  borligidan  dalolat  beradi.  Surxondaryo  viloyatida  Fayoz 
tepa,  Zurmala  kabi  buddizm  bilan  bog`liq  bo`lgan  diniy  tarixiy 
yodgorliklar,  bu  o`lkaga  nafaqat  musulmonlarni,  balki  boshqa  din 
namoyandalarini ham  jalb qilishda  qo`l keladi. Demak, O`zbekistonda 
turizmni  xalqaro  darajada  rivojlantirishning  yana  bir  muqobil 
imkoniyatlaridan  biri,  diniy  turizmni  rivojlantirish  bo`lib  hisoblanadi. 
Lekin,  bizning  fikrimizcha,  bu  yondashuv  ham  O`zbekiston  turistik 
potensialidan to`laligicha foydalanish imkoniyatini bermaydi. 
Shunday    yondashuvlar  borki,  ular  hech  qanday  jozibadorlik 
omiliga  ega  bo`lmagan  joylarni  diqqatga  sazovor  joylarga  aylantirishni 
ko`zda  tutadi.