I. Умумий қоидалар

Курс ишининг ҳажми ва тузилиши бўйича талаблар

9. 
   Малака ошириш ўқув курсида тайёрланадиган курс ишининг ҳажми 30 бетдан кам бўлмаслиги керак (иловалардан ташқари):
   

Матни компьютерда Times New Roman 14 шрифтда;
Чапдан 30 мм, юқоридан 20 мм, ўнгдан 15 мм, пастдан 20 мм қолдирилган ҳолда, 1,5 интервалда, А4 форматли стандарт оқ қоғознинг бир томонига ёзилади; кириш қисми – 1-3 бет; асосий қисм – 20-30 бет; хулоса – 1-3 бет; адабиётлар рўйхати – 1-3 бет ажратилиши мумкин.
Зарур ҳолатларда иловалар тикилишига йўл қўйилади. Мавзу доирасидаги катта ҳажмдаги ҳисоб-китобли график маълумотлар, меъёрий ҳужжатлар бўйича турли шаклдаги справка ва кўчирмалар илова тарзида келтирилади.

9. 
   Курс ишининг матнида бузилган бетлар ва ўзгартиришларга йўл қўйилмайди.
   
10. 
    Айрим атама, формула, умумий қоидаларга эътиборни жалб этиш мақсадида компьютер имкониятларидан фойдаланишга рухсат этилади.
    
11. 
    Бетларнинг рақамланиши: курс ишининг барча бетлари титул бетидан охирги бетгача тартиб билан рақамланади; биринчи бет титул варағи ҳисобланиб, унга рақам қўйилмайди, кейинги бетга “2” рақами қўйилади ва ҳ.к. тартиб рақами бетнинг пастки қисмининг ўртасига қўйилади;
    

- курс ишининг асосий қисмига тегишли бўлган ва алоҳида варақларда келтирилган расм ва жадваллар ишнинг умумий таркибига киради;
- А3 форматидаги қоғозларда келтирилган расм ва жадваллар битта бет сифатида рақамланади;
- курс ишининг бетлари ва унинг таркибидаги иловалар кетма-кетликда рақамланади.

9. 
   Курс иши тузилишининг асосий элементларига қўйилган талаблар:
   

титул варағи – Курс ишининг 1-бети (1-илова);
мундарижа – кириш, параграфлар номлари (параграфлар сони 3 тадан кам бўлмаслиги лозим), хулоса, фойдаланилган адабиётлар рўйхати ва иловалар рўйхатидан иборат бўлади.
кириш – бунда курс ишининг мақсади ва вазифалари, объекти, предмети, тузилиши ва ҳажми акс эттирилади. Шунингдек, танланган мавзунинг долзарблиги, назарий ва амалий аҳамияти очиб берилади.