I. Salamov T. Qudratov I. Qudratova kichik biznes va xususiy tadbirkorlik

Maqsad — xalqaro ko’rgazmalarda ishtirok etadigan subyektlarni aniqlab, ularning mahsulotini targ’ib qilish va chet ellik xaridorlar bilan shartnomalar imzolashiga yaqindan yordam berish. Namangan tumanida faoliyat ko’rsatayotgan “Istiqlol tekstil dizayn” mas’uliyati cheklangan jamiyati aynan jamg’arma ko’magida tashqi bozorga chiqish huquqiga ega bo’lish arafasida turganini aytish kifoya.

Xitoydan import qilish emas, balki bu mamlakatga mahsulotlarimizni eksportga chiqarishning vaqti keldi, — deydi ushbu jamiyat rahbari Murod Qurbonov. Chunki yurtimizda xususiy tadbirkorlarga yaratib berilayotgan qulay shart-sharoit va imtiyozlar biz, ishlab chiqaruvchilarni tashqi bozorga dadil kirib borishga da’vat etmoqda. Dastlabki natijalar u yerda kamida 200 ming AQSh dollarilik eksport shartnomalari imzolashimizni ko’rsatmoqda.Ta’kidlash kerakki, “Istiqlol tekstil dizayn” korxonasi eng zamonaviy uskunalar bilan jihozlangan bo’lib, bugungi kunda ko’plab turdagi erkaklar ko’ylagi va kostyum-shimlari, shuningdek, ichki kiyimlar ishlab chiqarilayapti. Bu yerda mehnat qilayotgan 100 ga yaqin ishchi-mutaxassislarning deyarli barchasi kasb-hunar kollejla-rini bitirgan yoshlardir. Ularning izlanishlari tufayli xaridorlar didiga mos bo’lgan liboslarning yangi modellari yaratilayotgani, mahsulotlar esa tabiiy matodan yuqori sifatli qilib tikilayotgani buyurtmachilar safining kengayishiga ko’maklashayapti. Yurtimizda eksport faoliyatini yo’lga qo’yayotgan bunday xo’jalik yurituvchi subyektlar sirasiga Andijon shahridagi “Fabrika namuna”, Qo’rg’ontepa tumanidagi “Yagona hamkor nuri”, Shahrisabz tumanidagi “Shakhrisabz Fraki”, Zarbdor tumanidagi “Katers agroservis”, Karmana tumanidagi “Sevar Munisa” kabi korxonalarni kiritish mumkin. Ular Xitoy mezbon-lik qiladigan “Buyuk Ipak yo’li” xalqaro sanoat mahsulotlari ko’rgazmasida ishtirok etib, jadal sur’atlarda rivojlanib borayotgan O’zbekiston sanoati yutuqlarini namoyish etadilar. Ko’rgazmada tuziladigan shartnomalar esa mamlakatimiz eksport salohiyatini yanada oshirishga munosib hissa bo’lib qo’shilishiga ishonchimiz komil.