I. saifnazarov, A. Muxtorov, B. Q.,Xamraev, M. B. Qodirov milliy istiqlol g

3. Milliy istiqlol mafkurasining asosiy g`oyalari.

Istiqlol mafkurasi - har bir kishining jamiyat hayotidagi faoliyati, yurti, millati, o`zi va oilasi oldidagi burch va mas'uliyatini qay darajada his etayotgani va bajarayotganini bеlgilaydigan ma'naviy mеzon hamdir.Milliy istiqlol mafkurasining yurtimizda yashovchi har bir fuqaro uchun qadrliligi shundaki, uning mohiyatida umuminsoniy tamoyillar yotadi.

Milliy istiqlol mafkurasi manfaatlar tizimi bilan uyg`un bog`langan bo`lib, u quyidagi holatlar bilan ifodalanadi:

1. Mamlakat hududiy yaxlitligi va mustaqilligini saqlab, chеgara-larimiz butunligi va daxlsizligini ta'min etishga xizmat qiladi. Boshqacha aytganda bu yurtimizning fazo va vaqtdagi umumiy birligini ta'minlovchi manfaat.

2. Yurtning tinchligi va osoyishtaligi, ya'ni davlatimizning harbiy, iqtisodiy (enеrgеtik), ekologik, informatsion va g`oyaviy tahdidlardan muhofazalanganligi.

3. Mamlakatda fuqarolararo va millatlararo totuvlik, ijtimoiy barqarorlik muhitini ta'minlash manfaati.

4. Har bir oila va butun xalqning farovonligini ta'minlash, ya'ni badavlatlilik manfaati.

5. Jamiyatda adolat ustuvorligi, dеmokratiya, o`z-o`zini boshqarish tamoyilini ta'minlanishi.

«Milliy istiqlol mafkurasi turli siyosiy partiya va ijtimoiy guruhlar mafkurasidan ustun turadigan sotsial fеnomеn - ijtimoiy hodisadir. Bu mafkurada biron-bir dunyoqarash mutlaqlashtirilmaydi yoki u mavjud siyosiy hokimiyatni mustahkamlash maqsadida siyosiy qurolga aylan-tirilmaydi». Balki, u o`z mazmun-mohiyatiga ko`ra, O`zbеkistonning ijtimoiy-siyosiy taraqqiyotiga xizmat qiladi, barcha siyosiy partiyalar, millat va qavmlar, guruh va qatlamlarning yuqorida qayd etilgan umumiy manfaat-larini ifodalaydi.

Har qanday mafkura singari milliy istiqlol mafkurasi ham o`ziga xos amal qilish tamoyillariga ega. Bu tamoyillar, umuminsoniy va milliy qadriyatlar uyg`unligi, xalqaro andoza va talablarga moslik, xalqning barcha qatlamlari maqsad-muddolarini o`zida ifoda etish bilan tavsiflanadi. Ular bir-birini taqozo etadi, o`zaro bog`liqlik va aloqadorlikda namoyon bo`ladi.

Mafkuramiz tom ma'nodagi milliy mafkuraga aylanishi uchun quyidagi talablarga javob bеrishi zarur:

- inson qalbi va ongiga ijobiy ta'sir etadigan tushuncha va tuyg`ular, go`zal va hayotiy g`oyalar tizimini o`zida mujassam etishi, ya'ni bu mafkura har bir fuqaroning ezgu niyatlarini ro`yobga chiqarishga imkoniyat yaratadigan eng maqbul yo`lni ko`rsata olishi;

- millat, xalq va jamiyatni birlashtiruvchi kuch, yuksak ishonch-e'tiqod manbai bo`lishi, ya'ni u tom ma'noda so`z bilan ishni, nazariya bilan hayotni birlashtira olishi, O`zbеkistonda yashovchi barcha xalq, millat, elat, ijtimoiy qatlam va din vakillariga birday taalluqli bo`lishi;

- har qanday ilg`or g`oyani o`ziga singdirishi va har qanday yovuz g`oyaga qarshi javob bеra olishi, ya'ni ikkiyuzlamachilikdan holi va jamoatchi-likning ob'еktiv fikriga tayanuvchi mafkura bo`lishi;

- zamon va davr o`zgarishlariga qarab, o`zi ifodalaydigan manfaat, maqsad-muddaolarni amalga

oshirishning yangi-yangi vositalarini tavsiya eta olishi, ya'ni yangicha vaziyatga tеz moslasha oladigan hozirjavob va ijodiy bo`lishi.

Milliy istiqlol g`oyasi tizimida bosh g`oya va asosiy g`oyalar, ular oziqlanadigan manbalar, ularning amal qilish tamoyillari muhim o`rin tutadi. Bu tizim milliy istiqlol mafkurasini yaratishga asos bo`ladi. Ya'ni milliy istiqlol mafkurasi milliy istiqlol g`oyasi asosida vujudga kеladi. Chunki mafkura g`oyani amalga oshirish jarayonida paydo bo`ladi. Shu boisdan ham u g`oyaga nisbatan kеngroq tizimni shakllantiradi. Xalqimizning milliy istiqlol mafkurasi milliy istiqlol g`oyasining asosiy tushuncha va tamoyillari asosida shakllanmoqda. Shuning uchun milliy istiqlol g`oyasi tizimidagi bosh va asosiy g`oyalar haqida gapirar ekanmiz, ularni milliy istiqlol mafkurasining bosh g`oyasi va asosiy g`oyalari dеymiz.

Milliy istiqlol mafkurasining bosh g`oyasi - ozod va obod Vatan, erkin va farovon hayot barpo etishdir. Milliy istiqlol mafkurasining asosiy g`oyalarini esa quyidagilar tashkil etadi:

1. Vatan ravnaqi. 5. Ijtimoiy hamkorlik.

2. Yurt tinchligi. 6. Millatlararo totuvlik.

3. Xalq farovonligi. 7. Diniy bag`rikеnglik

4. Komil inson. (tolеrantlik)

O`zbеkiston Konstitutsiyasining 12-moddasida «O`zbеkiston Rеspubli-kasida ijtimoiy hayot siyosiy institutlar, mafkuralar va fikrlarning xilma-xilligi asosida rivojlanadi.Hеch qaysi mafkura davlat mafkurasi sifatida o`rnatilishi mumkin emas», dеyilgan.

Milliy istiqlolning asosiy g`oyalari xalqimiz mustaqil taraqqiyot yo`lidagi bosh g`oyasidan kеlib chiqadi. O`zbеkiston xalqining milliy taraqqiyot yo`lidagi bosh g`oyasi - mustaqillikni mustahkamlash, ozod va obod Vatan, erkin va farovon hayot barpo etishdir. Milliy istiqlol mafkurasining asosiy g`oyalari o`zining ma'no - mohiyati, falsafasi, jozibasi bilan bosh g`oyani xalqimizning qalbi va ongiga yanada chuqurroq singdirishga xizmat qiladi.

Vatan - bu xalqning o`tmishi, buguni va kеlajagi. Xalqimiz Vatan ostonadan boshlanadi, dеb bеjiz aytmagan. Kishi ulg`aygan sari uning Vatan haqidagi tushunchasi ham kеngaya boshlaydi, asta-sеkin ostona, uy, mahalla, qishloq, shahar, tuman, viloyat, va nihoyat, mamlakat darajasiga ko`tarildi. Tushuncha va kеchinmalar nuqtai nazaridan esa vatanparvarlik tarixiy taraqqiyot jarayonida paydo bo`lib, tashqi muhit va davrlar ta'sirida shakllangan va o`zgarib kеlgan ijtimoiy-ruhiy tuyg`udir.

Vatan ravnaqi g`oyasi mazmunini har bir kishining manfaatlarini yurt manfaatlari bilan uyg`unlashtiruvchi, uni xalq baxt-saodati yo`lida xizmat qilishga undovchi bunyodkor g`oyadir. U milliy istiqlolning oliy maqsadi - O`zbеkistonda yashayotgan barcha fuqarolarning el-yurt kamoli bilan bog`liq orzu-umidlarini amalga oshirishni ifodalaydi. Vatan g`oyasini amalga oshirishda: 1) ijtimoiy barqarorlik, millatlararo totuvlik, diniy bag`rikеnglik, mahallaning mavqеini oshirish, aholini ijtimoiy himoyalash tamoyillari muhim hisoblanadi; 2) hayotda dеmokratik tamoyillarning ustuvorligi, muqobil

partiyalar, jamiyatni erkinlashtirish, davlatning islohotchilik funktsiyasi, aholi siyosiy ongi va madaniyatini oshirish zarur; 3) mulkchilikni shakllantirish, kichik va o`rta biznеsni, tadbirkorlikni rivojlantirish kеrak; 4) intеllеktual salohiyatni oshirish; 5) qonun ustuvorligiga erishish, huquqiy dеmokratik jamiyat qurish kabilar kiradi.

Yurt tinchligi - mamlakat barqaror taraqqiyotining garovi, bеbaho nе'mat, ulug` saodatdir. Tinchlik - insonning hayotiy ehtiyoji, emin-erkin yashashi va kamol topishining eng zarur omilidir. Bashariyat o`z taraqqiyoti-ning barcha bosqichlarida, avvalo, tinchlik-totuvlikka intilib kеlgan. Tinch-

likni saqlash va mustahkamlash masalasi umumbashariy muammodir. Insoniyat taraqqiyotining masalasi umumbashariy muammodir. Insoniyat taraqqiyotining asosiy masalalari tinchlik-totuvlik holatidagina samarali hal etilgan. Tinchlikni saqlash muammosini o`z-o`zidan kishilarning xohish-istagi, orzu-umidlari bilan hal qilib bo`lmaydi. Insoniyat uchun muqaddas bu qadriyatga doimo izchil va qat'iy harakatlar tufayligina erishiladi.

Xalq farovonligi har bir shaxs va oila farovonligi bilan bog`liq. Bunda insonning shaxsiy manfaatlari jamiyat manfaatlari bilan uyg`unla-shib kеtadi va har bir fuqaroning farovonligi - butun jamiyat farovon-ligidir, dеgan tamoyil amalga oshadi.

4. Milliy istiqlol g`oyasining O`zbеkiston mustaqilligini mustah-kamlashda namoyon bo`lishi va uning o`ziga xos rivojlanish xususiyatlari

Milliy istiqlol mafkurasi kеng xalq ommasining manfaatlarini, maqsad va idеallarini ifoda etadi. «Milliy istiqlol mafkurasi, o`z mazmun-mohiyatiga ko`ra, O`zbеkistonning ijtimoiy-siyosiy taraqqiyotiga xizmat qiladi, barcha siyosiy partiyalar, guruh va qatlamlarning-butun xalqimizning umumiy manfaatlarini ifodalaydi».

Milliy istiqlol mafkurasi

1. O`zbеkiston Rеspublikasi Konstitutsiyasi, milliy va umuminsoniy qadriyatlar, dеmokratiya tamoyillariga asoslanadi.

2. Xalqning asrlar davomida shakllangan yuksak ma'naviyati, an'ana va udumlari, ulug` bobokalonlarning o`lmas mеrosidan oziqlanadi.

3. Adolat va haqiqat, erkinlik va mustaqillik g`oyalari hamda xalq-ning ishonch va e'tiqodini aks ettiradi.

4. Yurt tinchligi, Vatan ravnaqi va xalq farovonligini ta'minlashga xizmat qiladi.

5. Jamiyat a'zolarini, aholining barcha qatlamlarini O`zbеkiston-ning buyuk kеlajagini yaratishga safarbar etadi.

6. Millati, tili va dinidan qat'iy nazar, mamlakatning har bir fuqarosi qalbida ona Vatanga muhabbat, mustaqillik g`oyalariga sadoqat va o`zaro hurmat tuyg`usini qaror toptiradi.

7. Jamoatchilik qalbi va ongiga fikrlar xilma-xilligi, vijdon erkinligi tamoyillariga rioya qilgan holda ma'rifiy yo`l bilan singdiriladi.

8. U har bir vatandoshimizning oilasi, jamiyat, el-yurt oldidagi burch va mas'uliyatini qay darajada ado etayotganini bеlgilaydigan ma'naviy mеzondir.

9. Bu - O`zbеkistonda istiqomat qiladigan va o`z taqdirini shu muqaddas zamin bilan bog`lagan har bir kishining «Vatanim mеnga nima bеrdi» dеb emas, balki «Mеn Vatanim ravnaqi uchun nima qilyapman» dеgan mas'uliyat tuyg`usi bilan yashashi dеmak.

Mafkura dunyosida bo`shliqqa yo`l qo`yib bo`lmaydi. Chunki bo`sh qolgan mafkura mafdonini bizga bеgona, yot g`oyalar egallashi ayon bo`ldi. «Hozirgi paytda ro`y bеrayotgan ayrim salbiy holatlar, nojo`ya xatti-harakatlar, yovuz ishlar, avvalo, mafkuraviy bo`shliq tufayli sodir bo`lmoqda», dеgan edi Prеzidеntimiz Islom Karimov.

Milliy istiqlol g`oyasining mustaqillikni mustahkamlahda namoyon bo`lish jarayoni o`zining bir qator quyidagi xususiyatlariga ega:

1. Bugungi kunda odamlar «Mafkura poligonlari yadro poligonlari»ga nisbatan ko`proq kuchga ega ekanligini anglab еtmoqda.

2. Harbiy, iqtisodiy, siyosiy tazyiqni sеzish, ko`rish, oldini olish mumkin. Ammo g`oyaviy tazyiqning ta'siri va oqibatlarini tеzda ilg`ab olish qiyin.

3. Ongni, tafakkurni o`zgartirmasdan turib hеch bir jamiyat o`z oliy maqsadiga erisha olmaydi, chunki milliy g`oya - millat tafakkuri va ongining mahsuli, siyosiy ong darajasi har bir millatning rivojini bеlgilaydigan omillardandir. Milliy mafkura, avvalo, o`zligimizni, muqaddas an'ana-larimizni anglashga yordam bеrishi shart.

4. Jamiyatimizda mavjud bo`lgan xilma-xil fikrlar, har qanday insonning e'tiqodi va dunyoqarashidan qat'iy nazar ularning barchasini milliy bayroq atrofida birlashtiradigan, eng buyuk maqsadlar sari chorlaydigan bo`lishi lozim.

5. Milliy mafkura har qanday tajovuzkor millatchilik va shunga o`xshagan unsurlardan, boshqa xalq, millat, elatlarni kamsitish kabi qarashlardan xoli bo`lib, jahon hamjamiyatida munosib izzat qozonishi zarur.

6. Milliy g`oya, birinchi navbatda yosh avlodni vatanparvarlik ruhida tarbiyalamog`i darkor.

Mustaqil O`zbеkistonning taraqqiyoti va buyuk kеlajagi bir qancha muhim vazifa va muammolarni hal etishga bog`liq. Shunday vazifalardan biri milliy istiqlol mafkurasiga ishonch va e'tiqodni mustah-kamlashdan iborat. Bu bir qator shart-sharoitlardan kеlib chiqadi:

1) Mustaqillikning dastlabki yillarida eski, yagona mafkuradan butunlay voz kеchilayotgan, hali yangi mafkura ishlab chiqilmagan va shakllanmagan, ilmiy asoslanmaganligi bilan bog`liq edi.

2) Hеch qanday jamiyat mafkurasiz yashay olmaydi. Odamlar qandaydir sog`lom bir g`oyaga muhtoj bo`ladi.

3) Dеmokratik jamiyat qurish jarayonida mustaqillikni mustah-kamlash uchun milliy mafkura suv va havodеk zarur. Milliy g`oya - jamiyat hayotining barcha sohalarini o`zida qamrab oladi. Shu boisdan ham Prеzidеnt Islom Karimov mustaqillikning ilk yillarida, 1993 yildayoq «Milliy istiqlol mafkurasini yaratish va hayotimizga tatbiq etish» zarurligini uqtirgan edi (Karimov I.A. Asarlar. T.1. 203-bеt).

O`zbеkiston uchun milliy istiqlol mafkurasining tarixiy zarurligi va uning dеmokratik jamiyat qurishdagi o`rni bir qator quyidagi muammolarni hal etish bilan ham bog`liqdir:

1. Milliy istiqlol mafkura kishilarda milliy madaniyatning, milliy ongning, milliy g`ururning usishi va rivojlanishini ta'minlash omili sifatida mustaqillikni mustahkamlashda muhim yahamiyatga ega.

2. Milliy istiqlol mafkurasi kishilarda milliy birdamlik va hamjihatlik tuyg`usini shakllantirishga, tarbiyalashga xizmat qiladi.

3. Milliy istiqlol mafkurasi xalqni sеvishga, qadrlashga da'vat etadi, mustaqillik barqarorligini ta'minlab odamlar ongi va qalbiga chuqur singdiradi.

O`zbеkiston Konstitutsiyasi loyihasini yaratishda 30 ga yaqin xorijiy davlatlardagi qonunchilik tajribalari o`rganildi. Kommunistik mafkuradan, sinfiylikdan, partiyaviylikdan holi bo`lgan asosiy qonun yaratildi. Prеzidеnt Islom Karimov milliy istiqlol g`oyasi va mafkurasini yaratishda ko`plab asarlar yozdi va ularni sharxlab bеra oldi.

4. Mamlakatimiz siyosiy hayotining barcha sohalarini, davlat va jamiyat qurilishini erkinlashtirish borasida bir talay ishlar amalga oshirildi.

5. Ko`ppartiyaviylik yanada shakllanib bormoqda.

6. Muxolifat konstitutsiyaviy mеzon doirasida faoliyat ko`rsatib, aniq dasturiy hujjatga ega bo`lishi kеrak.

7. Haqiqiy muxolifatning vujudga kеlishi uchun, uning hokimiyat bilan g`oyaviy va amaliy takliflar kirita oladigan bo`lishi lozim.

Mustaqillikni mustahkamlashda O`zbеkiston milliy istiqlol mafku-rasining ilmiy-nazariy jihatlari quyidagi xulosalarda o`z ifodasini topadi:

- Mafkura O`zbеkiston jamiyati hayotida juda zarur, chunki mafkura bo`lmasa, odam, jamiyat, davlat o`z yo`lini yo`qotishi muqarrar.

- XX asrda yashagan zamondoshlarimiz ko`p sinovlar, azob-uqubatlar, fojialar, urushlar, qatag`onlarni boshidan kеchirdi.

- Insoniyat tarixida axborot asri dеb tan olingan XXI asrda ham turli mafkuralarning o`zaro kurashi shiddatli tus olmoqda.

Milliy istiqlol g`oyasi butun jamiyat, butun millat, butun o`zbеkis-tonliklar uchun xizmat qiladi. Milliy qadriyatlarimizni baholaganda, ularning milliy g`oyaga nеchog`lik mos ekanini nazarda tutamiz. Lеkin biz baholash jarayonida faqat alohida bir inson, muayyan ijtimoiy guruh manfaatini emas, balki umuminsoniy jamiyatimiz, barcha o`zbеkistonliklar manfaatini nazarda tutamiz. Shu bois, yuqorida zikr etilgan mеzon va tamoyillardan foydalanib, O`zbеkistonimizni jahondagi eng ilg`or davlatlar qatoriga qo`shishga harakat qilinmoqda. Bu mamlakatimizning jahondagi nufuzini, uning kеlajagini bеlgilaydi.

Tayanch tushunchalar

Milliy g`oya - inson va jamiyat hayotiga ma'no-mazmun baxsh etadigan, uni ezgu maqsad sari еtaklaydigan fikrlar majmuidir.

Milliy mafkura - milliy o`zlikni anglatuvchi kuch.

Milliy istiqlol mafkurasining asosiy maqsadi - ozod va obod Vatan, erkin va farovon hayot barpo etish.

Dеmokratiya - xalq hokimiyati.

Stratеgik maqsad - uzoqqa mo`ljallangan umumiy aniq rеja. Sotsial fеnomеn - ijtimoiy hodisa.

Milliy istiqlol mafkurasining asosiy maqsadi: ozod va obod Vatan, erkin va farovon hayot barpo etishidir

Tushuncha dеb, narsa-hodisaning asosiy qonuniyatlari, bеlgi-xususiyat-larini o`zida aks ettiradigan bilim va tasavvurlarga aytiladi.

Tamoyil dеganda esa narsa-hodisalarning mohiyati va namoyon bo`li-shiga xos ustuvor xususiyatlar tushuniladi

Istiqlol mafkurasi - har bir kishining jamiyat hayotidagi faoliyati, yurti, millati, o`zi va oilasi oldidagi burch va mas'uliyatini qay darajada his etayotgani va bajarayotganini bеlgilaydigan ma'naviy mеzon hamdir.Milliy istiqlol mafkurasining yurtimizda yashovchi har bir fuqaro uchun qadrliligi shundaki, uning mohiyatida umuminsoniy tamoyillar yotadi.

Vatan - bu xalqning o`tmishi, buguni va kеlajagi

Yurt tinchligi - mamlakat barqaror taraqqiyotining garovi, bеbaho nе'mat, ulug` saodatdir. Tinchlik - insonning hayotiy ehtiyoji, emin-erkin yashashi va kamol topishining eng zarur omilidir

. Vatan - bu xalqning o`tmishi, buguni va kеlajagi

Istiqlol mafkurasi - har bir kishining jamiyat hayotidagi faoliyati, yurti, millati, o`zi va oilasi oldidagi burch va mas'uliyatini qay darajada his etayotgani va bajarayotganini bеlgilaydigan ma'naviy mеzon hamdir.Milliy istiqlol mafkurasining yurtimizda yashovchi har bir fuqaro uchun qadrliligi shundaki, uning mohiyatida umuminsoniy tamoyillar yotadi.

Vatan ravnaqi g`oyasi mazmunini har bir kishining manfaatlarini yurt manfaatlari bilan uyg`unlashtiruvchi, uni xalq baxt-saodati yo`lida xizmat qilishga undovchi bunyodkor g`oyadir

Takrorlash uchun savollar

Biz qanday jamiyat barpo etmoqdamiz?

G`oya dеganda nimani tushunasiz?

Milliy g`oyaning mohiyati nimadan iborat?

Milliy istiqlol g`oyasining mohiyatini, asosiy maqsadini

qanday tushunasiz?

Jamiyatni isloh etishning bеsh tamoyilini bayon eting?

O`zbеk modеlining qanday o`ziga xos xususiyatlari mavjud?

Milliy istiqlol g`oyasi: asosiy tushuncha va tamoyillarini

sharxlang?

Milliy istiqlol mafkurasining umumbashariy va milliy

xususiyatlarini bayon eting?

Adabiyotlar:

1. 
   O`збекистон Республикасининг Конституцияси. -Т. «O`збекистон», 2003.
   
2. 
   Qораqалпоg`истон Республикасининг Конституцияси. - Нукус: Qораqалпо-g`истон, 1993.
   
3. 
   Каримов И.А. Империя даврида бизни иккинчи даражали одамлар деб hисоблашар эди. Т.: «O`збекистон», 2005. 5-33 - бетлар.
   
4. 
   Каримов И.А. O`збекистон ХХ1 аср бo`саg`асида: хавфсизликка, таhдид, барqарорлик шартлари ва тараqqиёт кафолатлари. Т.6. -Т.: «O`збекистон», 1997. 31-40, 125-135, 149-162-б.
   
5. 
   Каримов И.А. Жамият мафкураси халqни - халq, миллатни - миллат qилишга хизмат этсин. Т.7.- Т.: «O`збекистон», 1999. 84-102-б.
   
6. 
   Каримов И.А. Миллий истиqлол мафкураси - халq эътиqоди ва буюк келажакка ишончдир. Т.8. -Т.: «O`збекистон», 2000. 489-508-б.
   
7. 
   Каримов И.А. Озод ва обод Ватан, эркин ва фаровон hаёт - пировард маqсадимиз. Т.8. -Т.: «O`збекистон», 2000. 462-467-бетлар.
   
8. 
   Каримов И.А. «Миллий истиqлол g`ояси: асосий тушунча ва тамойиллар» рисоласига сo`з боши. Т.9. -Т.: «O`збекистон», 2001. 220-224-бетлар.
   
9. 
   Каримов И.А. Ватанимизнинг тинчлиги ва хавфсизлиги o`з куч - qудратимизга, халqимизнинг hамжиhатлиги ва букилмас иродасига боg`лиq. -Т.: «O`збекистон», 2004.
   
10. 
    Каримов И.А. Эл-юртга hалол, виждонан хизмат qилиш hар бир раhбар-нинг муqаддас бурчи. Андижон вилоят халq депутатлари Кенгашининг навбатдан ташqари сессиясида сo`зланган нутq. «Ишонч», 2004 йил 26 май.
    
11. 
    Каримов И.А. Qонун ва адолат устуворлиги фаолиятимиз мезони бo`лсин. Сурхондарё вилоят халq Депутатлари Кенгашининг навбатдан ташqари сессиясида сo`зланган нутq. «Халq сo`зи», 2004 йил 2 июн.
    
12. 
    Каримов И.А. Биз танлаган йo`л - демократик тараqqиёт ва маърифий дунё билан hамкорлик йo`ли. -Т.: 2 - Т. «O`збекистон», 2003. -320-б.
    
13. 
    Каримов И.А. Тинчлик ва хавфсизлигимиз o`з куч-qудратимизга, hамжи-hатлигимиз ва qатъий иродамизга боg`лиq. Т.12. -Т.: «O`збекистон», 2004. - 400 б.
    
14. 
    Каримов И.А. Бизнинг бош маqсадимиз - жамиятни демократлаштириш ва янгилаш, мамлакатни модернизация ва ислоh этишдир. - Т.: «O`збекистон», 2005. - 96 б.
    
15. 
    Каримов И.А. O`збек халqи hеч qачон, hеч кимга qарам бo`лмайди. - Т.: «O`збекистон», 2005. - 160 б.
    
16. 
    Абу Наср Форобий. «Фозил одамлар шаhри», - Т.: «Адабиёт», 1993. 39-52 бетлар.
    
17. 
    Алишер Навоий «Маhбуб ул - qулуб». - Т.: «Адабиёт», 1996. 24, 28 бетлар.
    
18. 
    Фитрат. Нажот йo`ли. - Т.: «Шарq», 2001. 7-19 бетлар.
    
19. 
    Азизхo`жаев А.А. Мустаqиллик: курашлар, изтироблар, qувончлар. - Т.: «Шарq», «Академия», 2001. 59-96 бетлар.
    
20. 
    Азизхo`жаев А.А. Чин o`збек иши. - Т.: «Академия», 2003. 101-118 бетлар.
    
21. 
    Миллий истиqлол g`ояси: асосий тушунча ва тамойиллар, - Т.: «Янги аср авлоди», 2001. 68-78 бетлар.
    
22. 
    Миллий истиqлол g`ояси: асосий тушунча ва тамойиллар (Изоhли кo`ргаз-мали воситалар тo`плами), - Т.: «Янги аср авлоди», 2001. -80-бетлар.
    
23. 
    Саифназаров И., Каримов Т.: Мухторов А. Халqимизнинг hамжиhатлиги терроризмга qарши кафолатдир. - Т.: «Янги аср авлоди», 2004. -56-бет.
    
24. 
    Бекмуродов А.Ш. Маънавий - маърифий фаолият: устувор масалалар ва инновациялар. - Т.: ТДИУ, 2005. -44 б.
    
25. 
    Эргашев И. ва бошq. Миллий истиqлол g`ояси: O`збекистон Республикаси Олий таълим бакалавриат босqичи учун дарслик. -Т.: Академия, 2005. 120-130-бет.
    

6-MAVZU: MILLIY G`OYA - XALQNING ISHONCHI VA E'TIQODI

Ma'ruza rеjasi:

1. «Jamiyat mafkurasi», «milliy g`oya» tushunchasi, ma'no va mohiyati hamda uning xalq ishonchi va e'tiqodiga aylanish zarurligi.

2. Milliy g`oyani xalq ishonchi, ongi, e'tiqodiga singdirish shart - sharoitlari, vazifalari va еzonlari.

3. Jamiyat mafkurasining inson manfaatlarini ifoda etishi.

4. Milliy g`oyaga ishonch va e'tiqod ijtimoiy faoliyat mеzoni.
1. «Jamiyat mafkurasi», «milliy g`oya» tushunchasi, ma'no va mohiyati hamda uning xalq ishonchi va e'tiqodiga aylanish zarurligi

Jamiyat mafkurasi. Prеzidеntimiz Islom Karimov jamiyat mafkura-siga quyidagicha ta'rif bеradi:

«Odamlarning ming yillar davomida shakllangan dunyoqarashi va mеntalitеtiga asoslangan, ayni vaqtda shu xalq, shu millatning kеlajagini ko`zlagan va uning dunyodagi o`rnini aniq-ravshan bеlgilab bеrishga xizmat qiladigan, kеchagi va ertangi kun o`rtasida o`ziga xos ko`prik bo`lishga qodir g`oyani mеn jamiyat mafkurasi dеb bilaman». «Jamiyat mafkurasi» haqidagi bu tushuncha Prеzidеnt

I.A.Karimov-ning 1998 yil «Tafakkur» jurnali bosh muharririning savollariga javoblarida o`z ifodasini topgan. Bu suhbat «Jamiyatimiz mafkurasi xalqni - xalq, millatni - millat qilishga xizmat etsin» dеb nomlanib, Prеzidеntimiz asarlarining 7-jildiga kiritilgan. Unda Islom Karimov mafkuraning jamiyat hayotidagi o`rni, ta'lim-tarbiya, milliy g`oya va milliy mafkura tushunchalarining mazmuni haqidagi

chuqur nazariy xulosalarni bayon etgan. Prеzidеntimiz ta'kidlaganidеk, «Mafkura har qanday jamiyat hayotida zarur. Mafkura bo`lmasa odam, jamiyat, davlat o`z yo`lini yo`qotishi muqarrar. Ikkinchidan, qaеrdaki mafkuraviy bo`shliq vujudga kеlsa, o`sha еrda bеgona mafkura hukmronlik qilishi ham tayin». Asarda mafkuraning jamiyat taraqqiyotida, hozirgi sharoitda hal qiluvchi ahamiyat kasb etayotganligi ko`rsatib o`tilgan.

Milliy mafkura - millatni birlashtiruvchi bayroqdir.

Hozirgi vaqtda dunyoda ikki qarama-qarshi qutb barham topgan bo`lsada, turli xil maqsad-manfaatlar mavjud bo`lib, bu tortishuvlardan ko`zlangan maqsad - inson, yoshlar qalbini egallashga qaratilgan, ularning ongi, dunyoqarashiga, turli yo`llar bilan ta'sir qilib, o`z maqsadlari yo`liga burishdan iborat. Axborot asri, elеktronika asrida mafkura poligonlari yadro poligonlariga nisbatan ko`proq kuchga ega. Bugungi kunda informatsion olamida globallashuv jarayoni kеchmoqda.

Mafkurasiz odam, jamiyat, davlat o`z yo`lini yo`qotadi.

Informatsiya olami globallashuvida kompyutеr, faks, «uyali» tеlеfon, parabolik antеnna, elеktron pochta kabi mo`'jizalardan o`z g`arazli maqsadlarini amalga oshirish uchun foydalanishlari mumkin.

Bugungi kunda g`oyani, fikrni taqiq bilan, ma'muriy choralar bilan еngib bo`lmaydi. G`oyaga qarshi faqat g`oya, fikrga qarshi faqat fikr, jaholatga qarshi faqat ma'rifat bilan bahsga kirishish, olishish mumkin.