I psixodiagnostika ha’m eksperemental psixologiya pa’nine kirisiw joba

Ta’kidlar.

1.Bul pa’ndi u’yreniw arqali o’zim ushin ko’p kerekli na’rselerdi u’yrenip atirman, o’z qabiletlerimdi usinis etiw imkanyatina iye bolip turippan.

2.Bul pa’n mag’an qiziq ha’m men sol pa’n haqqinda ilaji barinsha ko’birek na’rse biliwdi qa’leymen.

3.Bul pa’ndi u’yreniwimde mag’an sabaq waqtinda beriletug’in bilimlerdin’ o’zi jeterli.

4.Usi pa’n boyinsha beriletug’in tapsirmalar mag’an qiziq emes , men olardi oqitiwshi talap qilg’ani ushin g’ana orinlayman.

5.Bul pa’ndi u’yreniwde aldimda payda boliwshi qiyinshiliqlar pa’nge bolg’an qizig’iwshilig’imdi ja’nede arttirip jiberedi.

6.Bul pa’ndi u’yreniwde sabaqliq ha’m usinis etilgen a’debiyatlardan tisqari o’z betinshe qosimsha a’debiyatlar menen tanisip baraman.

7.Sol pa’nge tiyisli quramali teoryaliq ma’selelerdi u’yrenbesede boladi , dep esaplayman.

8.Bul pa’ndi u’yreniwde qandayda bir jumisti a’melge asira almasa , men mashqalani sheshiwge ha’reket qilaman.

9.Bul pa’nnen sabaq o’tkende uliwma oqiwdi qa’lemey qalaman.

10.Sol pa’n tuwrali berilgen tapsirmalar u’stinde tek oqitiwshi qadag’alap turg’anda g’ana isleymen.

11.Bul pa’nge baylanisli mag’lumatlardi bos waqitta ( qon’irawda , u’yde ) klaslaslarim (doslarim) menen dodalaw mag’an qiziq tu’yiledi.

12.Bul pa’nnen tapsirilg’an tapsirmalardi o’z betinshe orinlawg’a ha’reket qilaman, kimnin’dur ma’slahat ha’m ja’rdem berip turiwin jaqtirmayman.

13.Sol pa’nge tiyisli tapsirmalardi ko’shirip aliwg’a ha’reket qilaman yaki kimnendur tapsirmalardi ornima qilip beriwin iltimas qilaman.

14.Bul pa’n boyinsha beriletug’in barliq bilimler kerek dep esaplayman , sonin’ ushin bul pa’nnen imkani barinsha ko’birek na’rse biliw kerek dep esaplayman .

15.Bul pa’n boyinsha qoyilatug’in baha mag’an bul pa’nnen beriletug’in bilimnen a’hmiyetli.

16.Sol pa’nnen o’tkeriletug’in sabaqqa jaqsi tayyarliq ko’rmegen bolsam , bunnan onshelli qapa bolmayman.

17.Bul pa’n menen shug’illaniw ushin men bos waqtimnin’ da u’lken bo’limin og’an jumsayman.

18.Bul pa’ndi qiyinshiliq penen o’zlestiremen , sol pa’n boyinsha beriletug’in tapsirmalardi o’z- o’zimdi ma’jbu’rlep orinlayman.

19.Sol pa’n boyinsha o’tkeriletug’in sabaqta kesellik yaki bsqa sebep penen qatnasa almasam , qapa boliwim mu’mkin.

20.Eger imkanyatim bolg’anda , men bul pa’ndi sabaq kestesi (oqiw jobasi) nen alip taslag’an bolar edim.

Na’tiyjelerdi qayta islew ha’m bahalaw.

Na’tiyjeler to’mendegi gilt ja’rdeminde qayta islenedi.

“duris” , “duris shamasi”- 1, 2, 5, 6, 8, 11, 12, 14, 17, 19.

“naduris”, “naduris shamasi”- 3, 4, 7, 9, 10, 13, 15, 16, 18, 20.

Giltke mas keletug’in ha’r bir jag’day ushin 1 balldan qoyiladi. Barliq ballar jiyindisi qanshelli u’lken bolsa , tiyisli pa’ndi u’yreniwde ishki motivatsiya sonshelli joqari boladi. Ballar jiyindisi qanshelli kishi bolsa , ishki motivatsiya da’rejesi sonshelli to’men boladi. Uliwma na’tiyjelerdi bahalawda to’mende keltirilgen normaliq ko’rsetkishlerden paydalaniw mu’mkin:

0-10 ball -sirtqi motivatsiya joqari;

11-20 ball -ishki motivatsiya joqari;

Ishki motivatsiya da’rejesin bahalaw ushin to’mendegi normaliq ko’rsetkishlerge su’yeniw mu’mkin:

0-5 ball -ishki motivatsiya to’men da’rejede;

6-14 ball - ishki motivatsiya orta da’rejede;

15-20 ball – ishki motivatsiya joqari da’rejede;

Esletpe : ilmiy izetlew o’tkeriw maqsetinde birlemshi na’tiyjelerden paydalaniw usinis etiledi.

Metodika deregi: Dubovitskaya T.D. K problem diagnostiki uchebnoy motivatsii . Voprosi psixologii .-2005. -.S.73-78.