I. O‘quv fanining dolzarbligi va oliy kasbiy ta’limdagi o‘rni

I. O‘quv fanining dolzarbligi va oliy kasbiy ta’limdagi o‘rni
“Korxona iqtisodiyoti” fani umum kasbiy fan hisoblanib, 1-kurs talabalariga 2-semestrda o‘qitiladi. “Korxona iqtisodiyoti” fanidan tayyorlangan ushbu dastur bakalavriat yo‘nalishida tahsil olayotgan talabalaga korxonalar iqtisodiy faoliyatiga doir ko‘nikmalarini shakllantirish, tadbirkorlik faoliyatini tashkil etish, korxonalar faoliyatini boshqarish, korxonalar iqtisodiy natijalarini tahlil qilish va korxonani rivojlantirish istiqbollarini o‘rganish imkonini beradi.
Talabalarga mazkur fan xususiyatlari doirasida qoidalar va xulosalarni puxta o‘zlashtirishlari, kelgusi faoliyatida samarali foydalanishlari hamda ijodiy yondashishlarini ta’minlash fanni o‘rganish oldida turgan asosiy vazifalardan biridir.
Ushbu fan talabalarda zarur aniq iqtisodiy bilimlarni shakllashtirishga qaratilgan bo‘lib, bu bozor munosabatlari va iqtisodiyotni modernizatsiyalash sharoitida korxonalarni samarali faoliyat yuritishida “Korxona iqtisodiyoti” fani alohida ahamiyat kasb etadi.
Ushbu fan dasturida korxonaning mohiyati va turlari, uni bozor iqtisodiyotida tutgan o‘rni va ahamiyati, resurslari va ulardan oqilona foydalanishni tashkil etish yo‘llari hamda korxonalar iqtisodiy natijalariga ta’siri masalalarini qamrab oladi. Ayniqsa, sanoatni rivojlantirish, xususan, sanoat korxonasi istiqbolini belgilash, korxonada zamonaviy va oqilona boshqaruv tizimi shakllantirishning maqsad va vazifalarini tanlash, korxonaga ta’sir etuchi tashqi va ichki omillar darajasini baholashda ushbu fan alohida o‘rin tutadi.