I маъруза машғулотлари

Исм қўйиш одатлари. Чақалоқ га исм қўйиш инсон ҳаётидаги энг муҳим воқ еалардан ҳисобланади. Қ адимдан болага исм қўйиш маъсулиятли иш саналган. Исм бола табиатига мос келмаса, ундан яхши инсон чиқмайди ёки у касалликка чалинаверади дейилган. Чақалоққа исм қ ўйиш вазифасини ҳар кимга ҳам ишонилмаган.
Халқда “исми жисмига мос” деган ибора бор. Кишилар болага қўйилган исм улғайиши жараёнида унинг одобига таъсир қилади, дейишган. Кишининг исмига мос бўлишга интилиши унинг маънавий улғайишига самарали таъсир қилади.
Мучал ёши. Халқимизда мучал ёшини нишонлаш анъанавий маросимга айланган. Мучал ёшини нишонлаш умрнинг бир давридан иккинчисига ўтиш – болаликдан ўсмирликга ўтиш тантанаси сифатида байрам қилинган. Чунки бу даврдан сўнг бола вужудида жиддий табиий ўзгаришлар содир бўлади. У жисман ва маънавий улғаяди.
Ўзбек тўйлари. Тўй – ҳаётнинг катта шодиёнаси, оила бахт саодати ва фаровон турмуш рамзи, ҳаётнинг энг қувончли дамларидир. Халқимизда қадимдан “Бешик тўйи”, “Никоҳ тўйи”, “Пайғамбар ёши тўйи” кабилар бўлгани маълум. ҳозирда никоҳ тўйларининг янгича, замонавий шакллари қарор топмоқда. Тўйларни ўзига хос байрам тарзида ташкил этиш, уларни тартибга солиш, ихчамлаштириш айниқ са бадиий жиҳатдан бойитиш давр талабидир.
Совчилар кўпни кўрган обрў-эътиборга сазовор бўлган кишилар бўладилар. Совчилар булғуси келиннинг ота-онасини, оилавий ҳаётини, ховли-жойининг озодалигини, ота-онасининг муомаласини кузатадилар. Айниқса бўйига етган қизнинг уйига совчи келганда, совчилар биринчи галда шу хонадоннинг ошхонасига ва ҳожатхонасига эътибор берганлар. Агар ошхона саришта бўлса, ҳожатхона ҳам тоза бўлса, совчилар бу хонадоннинг қизи фаросатли, меҳнатсевар экан деган тасаввурга эга бўлганлар.
Кумуш, олтин ва олмос тўйлар. Ҳаётимиз фаровонлашиб баргани сари тўйларнинг янги кўринишлари пайдо бўлмоқ да. Эр-хотиннинг 25 йил, 50 йил, 75 йил бирга оилавий ҳаёт кечирганига бағишланган кумуш, олтин ва олмос тўйларини ўтказиш билан боғлиқ янги тантанали тадбирлар вужудга келди. Халқимизнинг ёши катталарни, айниқса қарияларни ҳурмат қилиш каби қадимий анъаналари ҳамда ўзбек оилаларининг мустаҳкамлигини ана шундай юбилей тўйларини ўтказиш учун асос бўлди.