I кириш мавзу: Таълим тизимини бошқариш асослари фанининг мазмун – моҳияти ва аҳамияти

1991 йил 1-сентябрда Республикамиз ҳаётида тарихий воқеа юз берди. Истиқлол эълон қилинди.

Энг аввал биринчи навбатда Республикамизнинг халқ таълими соҳасида ислоҳот ўтказиш масаласи кўриб чиқилди. Ўзбекистон «Таълим тўғрисидаги» қонун таълим тизимининг янгиланишига сабаб бўлди.
1. Таълим ва тарбиянинг инсонпарварлиги ҳамда демократиклиги. Буни моҳияти шундаки, барча халққа берилаётган таълим-тарбия инсонларнинг моддий ва маънавий комолотини, ақл-заковатини ўстириш, инсоний фаолияти ва ниҳоят ватанпарвар бўлиб етишишларини мақсад қилиб қўяди.
2. Таълим тизимининг узлуксизлиги ва изчиллиги. Мустақил Ўзбекистонда халқ таълими муассасаларида берилаётган таълим-тарбия билан узлуксиз ўзаро боғлиқдир. Ҳар бир бошланғич таълим Ўқув режа ва дастурлари асосида кейинги босқичлар олдингиларининг давоми сифатида амалда бўлади. Бу эса ўз навбатида бир мактаб ёки ўрта махсус таълим муассасасидан иккинчисига, бир олий ўқув юртидан иккинчисига кўчиб ўтиш имконини беради. Таълим ўқув режаси ва дастури асосида тизимли изчил фаолиятда бўлади.
3. Давлат таълим тизимининг илмийлиги ва дунёвийлиги. Республикада барча таълим муассасаларида дунёвий билимлар берилади. У илмий асосларга эга бўлиб, фан, техника маданияти энг муҳим муваффақиятлари ва инсон ақл-заковати туфайли такомиллашиб боради. Улар ўқувчиларни объектив дунёни восита билиш, тегишли хулосалар чиқариш ва бирор бир касбни онгли эгаллашга йўналтирилади.
4. Таълимда умумий инсоний ва миллий-маънавий қадриятларнинг устуворлиги. Таълим тизимига барча таълим-тарбия масканларида берилаётган билим аждодларимизнинг минглаб йиллар мобайнида шаклланган анъаналарига таянади.
5. Давлат таълим стандартлари қоидасида халқнинг таълим олиши учун имконият яратилганлиги. Янги қонуннинг 4-моддасида таъкидланганидек, Ўзбекистон Республикасида ижтимоий келиб чиқиши, жинси, тили, ёши, ирқи, миллати, турар жойидан қатъий назар барчанинг таълим олиш учун тенг ҳуқуқлари кафолатланади.