I «buxgalteriya hisobi» kafedrasi “buxgalteriya hisobi ” fani

М-10-сон шакл “Далолатнома-талобнома” шакл материалларни ишлаб чиқаришга, хўжалик ва бошқа эҳтиёжлар учун чекланган миқдорлардан ортиқча бир марталик берилишини расмийлаштириш учун қўлланади. Бўлимлар - материал истеъмолчилари томонидан икки нусхада ёзилади. Бир нусхаси омборнинг моддий жавобгар шахси имзоси билан олувчида, иккинчиси эса олувчининг имзоси билан омбор мудири (омборчи)да қолади.

М-11-сон шакл “Талабнома-юкхат” материалларни корхона ичида таркибий бўлинмалар ёки моддий жавобгар шахслар ўртасида берилишини ҳисобга олиш ва расмийлаштириш учун қўлланади. Талабнома-юкхатни моддий бойликларни топширувчи таркибий бўлинмадаги моддий жавобгар шахс 2 нусхада тузади. Бир нусхаси топширувчи омбор учун бойликларни ҳисобдан чиқариш учун, иккинчиси эса қабул қилувчи омбор учун бойликларни кирим қилиш учун асос бўлиб хизмат қилади.

4. Инвентар ва хўжалик жиҳозларини ҳисобга олишнинг хусусиятлари

4. Инвентар ва хўжалик жиҳозларини ҳисобга олишнинг хусусиятлари

5. Идишларни ҳисобга олишнинг хусусиятлари

6. Ўстиришдаги ва боқувдаги ҳайвонларни ҳисобга олишнинг хусусиятлари

4. Инвентар ва хўжалик жиҳозларини ҳисобга олишнинг хусусиятлари

4-БҲМСга мувофиқ, инвентар ва хўжалик жиҳозлари таркибига қуйидаги мезонлардан бирига жавоб берадиган мол-мулклар киритилади:

• хизмат муддати бир йилдан ошмайдиган;
• қиймати бир бирлик (комплект) учун хизмат муддатидан қатъи назар, Ўзбекистон Республикасида белгиланган (харид қилиш пайтида) энг кам иш ҳақининг эллик бараваригача миқдорда бўлган буюмлар.

Ташкилот раҳбари ҳисоб сиёсатида уларни инвентар ва хўжалик жиҳозлари таркибида ҳисобга олиш учун буюмлар қийматининг бундан паст чегарасини белгилаш ҳуқуқига эгадир.

Хизмат муддати ва қийматидан қатъи назар инвентар ва хўжалик жиҳозлари таркибига қуйидагилар киритилади:

• махсус асбоблар ва мосламалар (муайян буюмларни туркумли ва оммавий ишлаб чиқариш ёки якка тартибдаги буюртмани тайёрлаш учун мўлжалланган мақсадли вазифадаги асбоблар ва мосламалар);
• махсус ва санитария кийимлари, махсус пойабзал;
• кўрпа-тўшаклар;
• ёзув-чизув анжомлари (калькуляторлар, стол устига қўйиладиган асбоблар ва ҳоказо);
• ошхона инвентари, шунингдек сочиқ-дастурхонлар;
• уларни барпо этиш харажатлари қурилиш-монтаж ишларининг таннархига киритиладиган вақтинчалик (титулда бўлмаган) иншоотлар, мосламалар ва қурилмалар;
• фойдаланиш муддати бир йилдан кам бўлган алмаштириладиган ускуналар;
• овлаш қуроллари (траллар, ёйма тўрлар, тўрлар, анжомлар ва ҳ.к.).