I bosqich magistranti Gulinoz Ruziyeva

Vaziyatni o‘rganish metodi va rolli o‘yin bilan taqqoslash.
Ishbilarmon o‘yinda ma’lum vaziyat va uzoqroq davomiylikka nisbatan vaziyatni o‘rganish va rolli o‘yin birlashtiriladi. Rolli o‘yin kabi talabalar bu erda ham rol o‘ynashadi, ammo ishbilarmon o‘yinda o‘rnatilgan tartibdan kam chiqishadi va shaxsiy talqinga deyarli yo‘l qo‘yishmaydi. Ishbilarmon o‘yinda rollar talaba qabul qiladigan ko‘proq aniq ifodalangan pozitsiyani (siyosiy, iqtisodiy va hok.) aks ettiradi. Bundan tashqari, ishbilarmon o‘yin vaqtda cho‘zilgan jarayonlarni soatlar yoki kunlarda bajarishga imkon beradi.
Vaziyatni o‘rganish bilan bog‘liqlik ishbilarmon o‘yin doirasida ishlangan va imkoni boricha echilgan mavjud muammoli vaziyat orqali kuzatiladi. Ammo ishbilarmon o‘yini shuningdek, loyihaga tayyorgarlik yoki g‘oyalarni topish uchun qo‘llanilishi ham mumkin, buning uchun uni loyiha bilan mustahkam aloqada o‘rganib chiqish kerak

«ROLLI O‘YIN» METODI

Qisqa tavsifi.
Rolli o‘yin – o‘qitishning kompleks metodik usuli bo‘lib, unda mayda guruh o‘yin sahnasi sifatida u uchun muhim bo‘lgan mavzuni, ko‘pincha ijtimoiy mojaroni tanqidiy ko‘rib chiqadi (diagnoz va yechim) va bunda ishtirokchilar o‘ylab chiqilgan vaziyatda hayotiy vaziyat modelidagi kabi turli odamlar rolini yoki aynan bitta rolga variatsiyalarni o‘ynashadi, bunda o‘quv maqsadiga rolli munosabatda bo‘lgan ijtimoiy tarbiya kompleksligini tanqidiy ko‘rib chiqish amalga oshiriladi.
Didaktik maqsadi. Rolli o‘yin didaktik maqsadi alternativ harakatlar imkoniyatlarini ko‘rsatib va asoslab, harakat kompetentligini rivojlantirishga ko‘maklashadi (to‘liq harakat).
Metodik maqsadi. Rolli o‘yin metodik maqsadi mojaroli vaziyatlarda muammolarni yechishning strategiyalarini o‘ynash va tajribaviy tekshirishdan, o‘zining va o‘zganing harakatlarini anglash hamda tahlil qilishdan, zaruriyat bo‘lganda nuqtai nazar va xulq-atvorni o‘zgartirishdan iborat. Eng avvalo hamdardlik, o‘zi va o‘zgalarni kuzatish qobiliyati, hamkorlik va boshqalar bilan ishlash qobiliyati shuningdek, muammolarni (o‘quv maqsadlari) yechish qobiliyati rivojlantiriladi.