I bob. Maktabgacha ta’lim muassasalarida bolalarga ma’naviy tarbiya berishning pedagogik asoslari

3. 3. “Vatanimiz ramzlari” mavzusidagi “Ma’naviyat saboqlari” mashg’ulotini olib borish texnologiyasi

“Davlatimiz ramzlari – bayroq, tamg’a, madhiya O’zbеkiston xalqlarining shon – sharafi, g’ururi, tarixiy xotirasi va intilishlarini o’zida mujassam-lashtiradi, mana shu ramzlarni e'zozlash o’zining qadr–qimmatiga, o’z mamlakatiga va shaxsan o’ziga bo’lgan ishonchni mustahkamlash dеmakdir”.
Islom Karimov

MAQSAD: bolalarni davlat ramzlariga hurmat ruhida tarbiyalash.
VAZIFALAR:

• 
  Davlat va Davlat ramzlari haqida bolalarga tushuncha berish;
  
• 
  bolalarga Davlat bayrog’i haqida tushuncha berish;
  
• 
  bolalarga Davlat gerbining tuzilishi va ularning mazmun – mohiyati haqida tushuncha berish;
  
• 
  bolalar ongiga Davlat madhiyasining ma’nosini singdirish.
  

KUTILAYOTGAN NATIJA:

• 
  Davlat ramzlarining bolalar ongida yaqqol tasvir sifatida namoyon bo’lishiga erishish;
  
• 
  Davlat bayrog’ining ranglari va boshqa tuzulishlarining ma’nosini bolalarga anglatish;
  
• 
  Davlat gerbi tuzilishining bolalar qalbida chuqur joy olishiga erishish;
  
• 
  Davlat madhiyasini bolalarga yod oldirish va uni xor bo’lib ijro etish.
  

MASHG’ULT O’TKAZISHNING SHAROITI: Dars boshlanishdan oldin murabbiy yoki tarbiyachi Davlat ramzlarini kattartirib ishlangan holatini hammaga ko’rinadigan joyga joylashtiradi. Aslida dars mashg’ulotlari olib boriladigan xonada “Ma’naviyat burchagi” nomli stent bo’lib, unda Respublikamiz Prezidenti suvrati, Davlat bayrog’ining rasmi, Davlat gerbi suvrati va Davlat madhiyasi joylashtirilgan bo’ladi.
Murabbiy yoki tarbiyachi bolalarni dars mashg’uloti o’tkaziladigan xonaga kiritadi va quyidagiday topshiriqlarni beradi:

• 
  hurmatli bolajonlar hozir sizlar bilan Davlat bayrog’i va uning nimalarni anglatishi haqida suhbatlashamiz! Shunga Sizlar jim o’tirib quloq solasizlar! Mashg’ulot haqida Davlat bayrog’ining har bir belgisi haqida Sizlardan ham so’raymiz;
  
• 
  Davlat gerbini o’rganish to’g’risida xuddi yuqoridagidek talablar qo’yiladi va u bo’yicha ham beriladigan savollarga ham tayyor bo’lib turing! Buning uchun esa Sizlar biz beradigan ma’lumotni diqqat bilan tinglashingiz kerak;
  
• 
  Davlat madhiyasini hammamiz birga yod olamiz! Uni kim yozganligini va unga kim kuy bastalaganini ham bugun bilib olishimiz kerak.
  

Qani aziz bolajonlar mashg’ulotimizni boshlaymizmi?