I bob. Iqtisodiyotni modernizatsiya qilish sharoitida ko‘p tarmoqli fermer xo‘jaliklarining rivojlantirishning ustuvor yo‘nalishlari

3.1. Buxoro viloyatida qishloq xo`jaligini rivojlantrishning hozirgi holati
2015 yil yanvar-dekabrida qishloq xo‘jaligi mahsulotlari ishlab chiqarish

amaldagi narxlarda 1813,7 mlrd. so‘mniva 2014 yilning shu davriga nisbatan 107,1 foizni tashkil etdi.

Qishloq xo‘jaligi mahsulotlari ishlab chiqarishning umumiy hajmida dehkonchilik mahsulotlarining ulushi 57,6 foiz yoki 1045,0 mlrd. so‘mni (2015 yil yanvar-dekabrga nisbatan 107,1 foiz), chorvachilik mahsulotlarining ulushi 42,4 foiz yoki 768,7 mlrd. so‘mni (107,1 foiz) tashkil etdi.

Qishloq xo‘jalik mahsulotlari ishlab chiqarishda kichik tadbirkorlik sub'ektlari ulushi 98,3 foizni tashkil etdi, jumladan dehkon xo‘jaliklarining ulushi 69,1 foizni tashkil etmoqda.

Dehkonchilik.Viloyatda2015 yil 1 yanvar holatida 357474 tonna paxta xom-ashyosi tayyorlanib, bu ko‘rsatgich 2014 yilga nisbatan 15472 tonnaga ko‘p yoki (104,5 foiz)ni tashkil etdi. Tayyorlangan paxtaning 270715 tonnasi yoki 75,7 foizi I-navga, 20162 tonnasi yoki 5,6 foizi II-navga, 6895 tonnasi yoki 1,9 foizi III-navga, 59702 tonnasi yoki 16,8 foizi IV va V navlarga topshirildi.

Har bir gektar paxta maydonining hosildorligi viloyat biyicha 32,6 sentnerni tashkil etdi.

Barcha tizim xo‘jaliklarida asosiy va takroriy ekindan 622,6 ming tonna don yetishtirildi va bu ko‘rsatkich o‘tgan yilning shu davriga nisbatan 2,4 ming tonnaga ko‘pdir. Barcha toifadagi xo‘jaliklarda har bir gektar yerdan o‘rtacha hosildorlik 60,0 sentnerga yetdi.

Viloyat bo‘yicha jami 128,8 ming tonna kartoshka, (2014 yil shu davriga nisbatan 11,3 foizga ko’p), 391,2 ming tonna sabzavot (10,3 foizga ko’p), 87,5 ming tonna poliz (10,0 foizga ko‘p), 163,5 ming tonna meva (8,4 foizga ko‘p), 109,4 ming tonna uzum (9,4 foizga ko‘p) yig‘ishtirilib olindi.

Dehkonchilik mahsulotlari ishlab chiqarishda dehkon xo‘jaliklarining salmog‘i yuqori bo‘lmoqda, jumladan jami yetishtirilgan kartoshkaning 90,5 foizi, sabzavotning 80,2 foizi, poliz mahsulotlarining 76,0 foizi, mevaning 53,7 foizi va uzumning 55,5 foizi ular hissasiga to‘g‘ri kelmoqda.

Chorvachilik. 2015 yilning 1 yanvar holatiga o‘tgan yilning shu davriga nisbatan barcha toifadagi xo‘jaliklarda yirik shoxli qoramollar 49,8 ming boshga (5,6 foizga), shu jumladan sigirlar 7,8 ming boshga (2,1 foizga), qo‘y va echkilar 68,7 ming boshga (4,4 foizga), parrandalar 341,9 ming boshga (18,4 foizga) ko‘paydi.

2015 yilning yanvar-dekabr oylarida barcha toifadagi xo‘jaliklarda 150,4 ming tonna tirik vaznda go‘sht (o‘tgan yilga nisbatan 7,3 foizga ko‘p), 580,1 ming tonna sut (7,6 foizga ko’p), 195,7 mln dona tuxum (12,7 foizga ko‘p), 354,5 ming dona qorako‘l teri (6,4 foizga ko‘pyetishtirildi.)

7-rasm.Chorvachilik mahsulotlari ishlab chiqarish tarkibi.

Fermer xo‘jaliklari. Fermer xo‘jaliklariga biriktirilgan umumiy qishloq xo‘jaligi yer maydoni 786,7 ming gektarni, shu jumladan ekin maydoni 199,1 ming gektarni va xo‘jaliklarda band bo‘lganlar soni 78,3 ming kishini tashkil etdi.