I bob. Asosiy kimyoviy tushuncha va qonunlar

Mavzu: Atom elektron qobiqlarining tuzilishi.

Rezerford atom tuzilishining planetar modelini yaratgandan so’ng, 1913 yili daniyalik olim Nills Bor vodorod atomining tuzilish nazariyasini yaratadi.

1 -postulat. Elektron yadro atrofida faqat kvantlangan, ya’ni ma’lum energiya darajasiga muvofiq keladigan orbitalar bo’ylab harakat qiladi.

2-postulat. Elektron kvantlangan orbitalar bo’ylab harakatlanganda energiya chiqarmaydi va yutmaydi. Faqat bir orbitadan ikkinchisiga o’tganda energiya chiqaradi yoki yutadi.

1827 yil elektron 2 xil: zarracha va to’lqin tabiatga ega ekanligi tasdiqlandi. Lekin elektronning fazodagi harakatini ma’lum bir traektoriya bilan ifodalash mumkin emas. Elektron fazoning ma’lum bir qismida ko’proq harakat qiladi. Masalan, vodorod atomida bu masofa 0,53Å ni tashkil qiladi.

Ta’rif:Yadro atrofida elektronning bo’lish ehtimoli eng ko’p bo’lgan joyga orbital deyiladi.