I bob. Aholi turmush darajasi va daromadlarini davlat tomonidan tartibga solishning nazariy asoslari

Bank nazoratini xalqaro andoza va me'yorlar
asosida yanada takomillashtirish

Xususan, kapitalning etarliligi va likvidlilik ko'rsatkichi bo'yicha yangi talablarning (Bazelь III) bosqichma-bosqich joriy etilishini va bajarilishini ta'minlash borasidagi ishlar amalga oshirib boriladi.

Bank nazorati samaradorligini oshirish maqsadida kredit tashkilotlari faoliyatidagi tavakkalchiliklarni baholashda xalq­aro andozalardan foydalanish va Markaziy bank tomonidan qo'llaniladigan ta'sir choralari turlarini kengaytirishga alohida e'tibor qaratiladi.

Shuningdek:

– bank nazorati bo'yicha xalqaro Bazelь qo'mitasining yangi tavsiyalarini joriy qilish borasida Jahon banki va Xalqaro valyuta fondi bilan hamkorlikni kengaytirib borish;

– kapitalning etarlilik darajasini aniqlash maqsadida operatsion va bozor tavakkalchiliklarini baholash uslublarini yanada takomillashtirish;

– jahondagi etakchi va barqaror banklar tajribasini inobatga olgan holda bank mijozlarining kreditga layoqatliligini skoring-tahlil qilishning zamonaviy usullarini samarali qo'llash va uni takomillashtirib borish;

– likvidlilik bo'yicha ehtimoliy xatarlarni kamaytirish va favqulodda holatlarga chidamlilikni ta'minlash maqsadida doimiy ravishda tijorat banklarining likvidlilik darajalarini stress-testdan o'tkazish hamda ularning rivojlanishini turli stsenariylarda modellashtirish;

– bank faoliyatining moliyaviy barqarorligini ta'minlashga mas'ul bo'lgan tijorat banklarining tarkibiy bo'linmalari mutaxassislarining malakalarini tizimli asosda oshirib borish;

– tijorat banklarining depozit va foiz siyosatlarini tizimli ravishda monitoring qilish, jalb qilinayotgan omonatlar bo'yicha foiz stavkalarini asossiz oshirish holatlarini aniqlash va bartaraf etish;

– depozit amaliyotlarini, jumladan, banklarning moliyaviy barqarorligiga ta'sir qiluvchi ehtimoliy xatarlarning yuzaga kelishini kamaytirish maqsadida aholining omonatlarini jalb qilish tarkibi va shartlarini takomillashtirish ishlari davom ettiriladi.