I-бўлим. Бухгалтерия ҳисоби асослари 1-мавзу. Бухгалтерия ҳисоби, унинг моҳияти ва турлари

 
5.3. Валюта операцияларини амалга ошириш тартиби 
Валюта операциялари бухгалтерия ҳисобида 22-сонли Ўзбекистон Бухгалтерия 
ҳисобининг Миллий стандарти (БҲСМ) “Чет эл валютасида ифодаланган активлар ва 
мажбуриятларнинг ҳисоби”, (Молия Вазирлиги - 23.03.2004 й. 51-буйруғи билан 
тасдиқланган, 21.05.2004 йил № 1364 Адлия Вазирлигидан рўйхатга ўтган)
Ушбу ҳужжатларга кўра, корхона ҳар ой ва операция содир бўлган санадаги баланснинг 
валютадаги моддалари бўйича қайта баҳолашни амалга оширишлари лозим, буларга: 
кассадаги валюта маблағлари, банкдаги депозит ва ссуда счётлардаги валюта ҳамда 
аккредитивлар; хорижий валютадаги пул ҳужжатлари, хорижий валютадаги қисқа ва узоқ 
муддатли қимматли қоғозлар, дебитор ва кредитор қарзлари, хорижий валютадаги кредит ва 
қарзлар киради. 
Қуйидагилар қайта баҳоланмайди: 
- корхонанинг хорижий валютага сотиб олган мулки (асосий воситалар, номоддий 
активлар, товар -моддий қийматликлар, хўжалик инвентарлари); 

---

74 
- устав капитали (фонди), таъсисчиларнинг улушлари ҳамда хорижий корхона 
инвестициялари. 
Хўжалик субъектлари ҳар ой баланснинг валюта моддаларини Марказий банкнинг жорий 
ойнинг охирги куни курси бўйича қайта баҳолашади. 
Қайта баҳолаш натижасида йиғилган ёки пайдо бўлган ижобий ёки салбий валюта курси 
фарқи корхона ихтиёрига кўра бухгалтерия ҳисобида икки хил усул билан акс эттириши 
мумкин: 
- тўғридан–тўғри молиявий – хўжалик фаолиятига олиб бориш йўли билан; бунда ижобий 
фарқ молиявий фаолият даромадларини ҳисобга олувчи счётларга, салбий фарқ 
молиявий фаолият бўйича харажатларни ҳисобга олувчи счётларга олиб борилади; 
- тўплаш (жамғариш) усули: бунда ижобий фарқ кечиктирилган даромадлар ҳисоби 
счётида тўпланади, яъни 6230 ”Бошқа кечиктирилган даромадлар” счётида, салбий фарқ 
эса кечиктирилган харажатлар ҳисоби счётида, яъни 3190 ”Бошқа келгуси давр 
харажатлари” счётида акс эттирилиб, молиявий – хўжалик фаолият натижаларига 
қуйидаги тартибда ҳисобдан чиқарилади: 
а) хорижий валютадаги дебиторлик ва кредиторлик қарзлари қопланиши (ёки 
ўчирилиши) даври давомида; 
б) бошқа ҳолларда хўжалик операциялари содир бўлганда баланснинг тегишли валюта 
счётлардан. 
Валюта курси фарқларини ўчириш қўлланиладиган усули хўжалик субъекти ҳисоб 
сиёсатида кўрсатилиши лозим. 
Молиявий – хўжалик фаолият натижаларида ижобий фарқ 9540 ”Валюталар курслари 
фарқидан даромадлар“ счётнинг кредитида акс эттирилиб, даромадлар (фойда) солиқ тўлаш 
базасини кўпайтиради, салбий курс фарқи эса 9620 ”Валюталар курслари фарқидан 
зарарлар” 
счётнинг 
дебетида 
акс 
эттирилиб, 
даромадлар 
(фойда)дан 
солиқ 
ҳисобланаётгандан солиқ тўлаш базасидан айирилиб ташланади.