I-бўлим. Бухгалтерия ҳисоби асослари 1-мавзу. Бухгалтерия ҳисоби, унинг моҳияти ва турлари

Аналитик счётлар
бўйича очилган барча счётлардаги ёзувларнинг умумий якунлари 
(жами суммаси) бир синтетик счётидаги ёзувлар суммасига тўғри келиши керак. Синтетик ва 
аналитик счётнинг бошланғич ва охирги қолдиқлари ўз тавсифи бўйича аналитик 
счётлардаги тегишли қолдиқларининг умумий суммаларига тенг келиши ва бир хил бўлиши 
керак. 
Синтетик счётнинг дебети ва кредити бўйича айланма суммалари аналитик счётлари 
бўйича айланмаларнинг тегишли суммаларига тенг бўлиши керак. 
Бир синтетик счётнинг айланма суммаси билан шу синтетик счёт бўйича очилган тегишли 
аналитик счётлар айланмалари суммаларининг тенглиги шу билан шартланганки, аналитик 
счётларда ҳам худди синтетик счётлардаги каби муомалалар бир томонга ёзилади. 
Синтетик ва аналитик счётларнинг ўзаро боғлиқлиги қуйидагиларни намоён бўлади: 
•
аналитик счётлар синтетик счётлардаги маълумотларни батафсил олиш учун 
юритилади; 
•
синтетик счётларда акс эттирилган операциялар албатта аналитик счётларда ҳам акс 
эттирилиши лозим; 
•
синтетик счётларда операциялар умумий суммада акс эттирилса, аналитик счётларда 
эса алоҳида суммалар бўйича кўрсатилади. 
Синтетик счётларни корхона молия-хўжалик фаолиятидан келиб чиққан ҳолда аналитик 
счётларга бўлади, масалан, 1030-“Ёкилғи” синтетик счётини қуйидаги аналитик счётларга 
ажратишимиз мумкин, 1031-“Бензин-А80”, 1032-“Бензин-А91”, 1033-“Дизель ёқилғиси” ва 
ҳоказо.
2.4. «Балансдан – балансгача» ҳисоб даври 
Ҳисоб даври
- бухгалтерия ҳисоботларини тузиш учун қўйиладиган кетма-кет қадамлар 
йиғиндисидир. Ҳисоб даврини қуйидаги қадамларга бўлиш мумкин: 

---

28 
1-қадам: Хўжалик операцияси бўлиб ўтганлигини қайд этиш, бирламчи ҳужжатларни 
йиғиш ва қайта ишлаш 
2-қадам: Хўжалик операцияларни ҳисоб регистрларида қайд қилиш ва бухгалтерия 
ўтказмаларини тузиш 
3-қадам: Бухгалтерия ҳисоби счётларини очиш 
4-қадам: Бош дафтарга хўжалик операциялар бўйича ёзувларни киритиш 
5-қадам: Айланмаларни (оборот) ҳисоблаш ва ҳисобот даври охирига сальдо чиқариш 
6-қадам: Молиявий ҳисоботларни тайёрлаш 
Бухгалтерия ҳисоби мемориал-ордер шаклини қўллаётган корхона мисолида “балансдан –
балансгача” ҳисоб даврини кўриб чиқамиз. 
01.01.2019 й. ҳолатига корхонанинг қуйидаги маблағлари ва уларнинг манбалари мавжуд. 
Ускуналар бошланғич қийматда – 300 000 сўм, уларнинг эскириши – 90 000 сўм, 
материаллар 60 000 сўм. 
Омборда тайёр маҳсулотларнинг қолдиғи 84 000 сўм. Юклаб юборилган маҳсулотлар учун 
харидорларнинг қарзи 70 000 сўм. Мол етказиб берувчиларга олинган материаллар учун 
корхона қарзи 102 000; корхонанинг ҳисоб-китоб счёти – 246 000 сўм, иш ҳақи тўлаш бўйича 
қарз 120 000 сўм, ягона ижтимоий тўлов бўйича қарз – 36 000 сўм, тугалланмаган ишлаб 
чиқариш қолдиғи 36 000 сўм. Корхонанинг устав капитали 290 000 сўм. Қисқа муддатли банк 
кредити 72 000 сўм. Корхона фойдаси 86 000 сўм. 
Келтирилган маълумотлардан фойдаланиб кириш балансини тузамиз. 
01.01.2019 йил ҳолатига Бухгалтерия баланси 
Счёт 
Актив 
Сумма 
Счёт 
Пассив 
Сумма 
0130 
Ускуналар 
300 000 8330 
Устав капитали 
290 000 
0230 
Ускуналарнинг эскириши 
90 000 6810 
Қисқа муддатли банк кредитлари 
72 000 
Асосий воситаларнинг қиймати 
210 000 6010 
Мол етказиб берувчиларга 
тўланадиган счёт 
102 000 
1010 
Хом-ашё ва материаллар 
60 000 
6710 
Иш ҳақи бўйича ходимлар билан 
ҳисоблашишлар 
120 000 
2010 
Асосий ишлаб чиқариш 
36 000 
2810 
Омбордаги тайёр маҳсулот 
84 000 
6520 
Ягона ижтимоий тўлов бўйича қарз 
36 000 
5110 
Ҳисоб-китоб счёти 
246 000 
4010 
Харидорлардан олинган счёт 
70 000 8710 
Тақсимланмаган фойда 
86 000