I-бўлим. ҲАрбий хизматнинг ҳУҚУҚий асослари

1.2. ЎЗБЕКИСТОН РЕСПУБЛИКАСИНИНГ “МУДОФАА ТЎҒРИСИДА” ГИ
ҚОНУНИ БЎЙИЧА ТЕСТ САВОЛЛАРИ.
1. “Мудофаа тўғрисида”ги қонуннинг асосий вазифалари нималардан иборат? ►Мудофаани ташкил этишнинг ҳамда Ўзбекистон Республикасининг Қуролли Кучларини бошқаришнинг ҳуқуқий асосларини белгилайди, мамлакат мудофаасини таъминлашда давлат органларининг ваколатлари, шунингдек фуқароларини ўзини-ўзи бошқариш органлари, корхона, ташкилотлар ва фуқаролар иштирокини аниқлаб беради.
2. Мудофаа тушунчаси нима? ►Ўзбекистон Республикаси суверенитети, ҳудудий яхлитлиги, аҳолисининг тинч ҳаёти ва ҳавфсизлигини ҳимоя қилишни таъминлашнинг сиёсий, иқтисодий, ҳарбий, ижтимоий, хуқуқий, ахборот, ташкилий ва бошқа тадбирлар мажмуидир.
3. Мудофаа сохасидаги давлат сиёсатининг асосий принциплари нечта? ►8 та.
4. Ўзбекистон Республикаси Қуролли Кучларининг вазифаси нималардан иборат? ►Урушлар ва қуролли можароларни қайтариш ҳамда олдини олиш, Ўзбекистон Республикасини миллий манфаатларини, суверенитетини, ҳудудий яхлитлигини ва аҳолининг тинч ҳаётини ҳимоя қилиш.
5. Ўзбекистон Республикаси Қуролли Кучлари нималарни ўз ичига олади? ►Давлат томонидан ташкил этилган ҳарбий бирлашмалар, қўшилмалар ва қисмларни, шунингдек бошқа ҳарбий тузилмаларни.
6. Қуролли Кучлар ўз фаолиятини қандай асосда қуради ва амалга оширади? ►Қонун устунлиги, марказлашган раҳбарлик ва яккабошчилик, доимий шайлик ҳамда ҳарбий интизомга риоя этиш асосида.
7. Қуролли Кучларга ким раҳбарлик қилади? ►Ўзбекистон Республикаси Президенти - Қуролли кучлар Олий Бош қўмондони.
8. Қуролли Кучларга тезкор раҳбарликни ким амалга оширади? ►Қуролли Кучлар Бирлашган штаби.
9. Мудофаа вазирлиги тасарруфидаги қўшинларга бошқарувни, мудофаа ва ҳарбий қурилиш соҳасидаги давлат сиёсати юритишни ким таъминлайди ?
►Мудофаа вазири.
10. Ўзбекистон Республикаси Суверенитети ва ҳудудий яхлитлигини ҳимоя қилиш соҳасидаги қарорларни ишлаб чиқувчи ва амалга оширувчи орган қайси?
►Қуролли Кучлар Бирлашган штаби.
11. Ҳарбий округ нима? ►Операцион йўналишларда Ўзбекистон Республикаси ҳавфсизлигини ва ҳудудий яхлитлигини таъминловчи асосий ҳарбий-маъмурий бирлик ва умумқўшин тезкор-стратик ҳудудий маъмурий бирлашмасидир.
12. Уруш ҳолати қандай эълон қилинади? ►Ўзбекистон Республикасига ҳужум қилинганда қонунда белгиланган тартибда эълон қилинади.
13. Уруш даври қачон эълон қилинади?
►Уруш ҳолати эълон қилинган вақтдан эътиборан бошланади ҳамда ҳарбий ҳаракатлар тўхтатилгандан кейин тугайди.
14. Сафарбарлик қачон эълон қилинади?►Уруш ҳолати эълон қилиниши ёки фавқулодда ҳолат жорий этилиши биланоқ эълон қилинади.
15. Ҳудудий мудофаа нима?
►Давлат чегарасини ҳимоялаш ва мудофаа қилиш, аҳолини, обьектларни қўпорувчилик ва террорчилик хуружларидан ҳимоя қилишдир.
16. Қуролли можаролар нима? ►Чекланган доирадаги ҳарбий низолар (ҳаракатлар ва қуролли тўқнашувлар). Бунда уруш ҳолати эълон қилинмайди.
17. Мудофаа эхтиёжлари қандай молиялаштирилади? ► Қонун ҳужжатларига мувофиқ давлат бюджети маблағлари ва бошқа манбалар ҳисобидан.
18. “Мудофаа тўғрисида” ги қонун қачон қабул қилинган? ►2001-йил 11-май.