I- mavzu matn: vatan –eng ulug’ maskan mavzu: O’zbek tilining imlo qoidalari

Eslatma. Ma’lumki, o‘zbek va tojik xalqlari asrlar davomida bir hududda yashab, bir xil tarixiy sharoitda turmush kechirganlar. Buning natijasida tojik va o‘zbek tillari bir-birini boyitgan: o‘zbek tili lug‘atiga barg, korxona, chamadon kabi ko‘pgina tojikcha so‘zlar o‘tgan; qaymoq, qayroq, qanor, yurt kabi ko‘pgina o‘zbekcha so‘zlar tojik tili lug‘atiga qo‘shilgan. Shunday bo‘lishiga qaramay, o‘zbek va tojik tillarining fonetikasi va grammatik qurilishi bir-biriga o‘xshamaydi. Buning sababi bu ikki tilning ikki xil til oilasiga mansubligidir; o‘zbek tili oltoy tillar oilasining turkiy turkumiga, tojik tili esa hind-yevropa tillari oilasining eron turkumiga kiradi.

Rus tili
Rus tili hind-yevropa tillari oilasiga mansub bo‘lib, slavyan tillari turkumiga kiradi. Rus tili qadimgi slavyan tili negizida XI asrda mustaqil til sifatida shakllangan. “Injil”, “Igor lashkari jangnomasi” va boshqa kitoblar qadimgi slavyan tilida yozilgan edi.
Qadimgi slavyan tilining o‘z yozuvi bo‘lgan. Bu yozuvni bolgar olimlari aka-uka Kirill va Mefodiy yaratganlar. Rus alifbosi hozirgi shakliga XVIII asrning boshida kirgan.
Rus tili rus xalqining milliy tili. Shuningdek, Mustaqil Davlatlar Hamdo‘stligi mamlakatlari xalqlarining o‘zaro muomala vositasidir. Bundan tashqari, rus tili xalqaro tillardan biridir. Uning jahonshumul ahamiyati rasmiy ravishda tan olingan:

barcha qit’alardagi hamma davlatlar o‘zaro turli shartnoma va bitimlarni faqat olti tilda, ya’ni ingliz, fransuz, rus, ispan, arab va xitoy tillarida tuzadilar.