Husnixat va uni o’qitish metodikasi fanining maqsad va vazifalari

Husnixatning asosiy qonuniyatlarini tushunish va o’zlashtirish boshlang’ich ta’lim o’qituvchilari uchun muvaffaqiyatli amaliy faoliyat shartlaridir. Husnixat yuzasidan tushuncha, bilim, malaka va ko’nikmalarga ega bo’lgan o’qituvchigina kicnik yoshdagi o’quvchilarni husnixatga o’rgata oladi.

“Husnixatga o’rgatishning amaliy asoslari” fanining boshqa fanlar bilan aloqasi. “Husnixatga o’rgatishning amaliy asoslari” fani bir qator fanlar bilan chambarchas bog’liq. U pedagogika, psixologiya, estetika, fiziologiya, gigiyena, tilshunoslik, psixolingvistika, didaktika kabi fanlarning yutuqlari va tavsiyalariga tayanadi. “Husnixatga o’rgatishning amaliy asoslari” fanining estetika bilan bog’liqlik jihati shundaki, avvalo, estetika o’quvchilarning go’zallikka bo’lgan qiziqishlarini oshiradi, go’zallikni his etish hamda qadrlash sifatlarini shakllantiradi. Unutmaslik kerakki, chiroyli yozish ham go’zallikning bir ko’rinishidir. Sharq mutafakkirlaridan biri shunday degan ekan: “Chiroyli yozgan kishi chiroyli fikrlay oladi”.