Huquqiy ko’nikmalar va metodologiya. Kazus

Topshiriq: Yuqoridagi fikrlarni izohlang. Sizningcha, yaxshi prezentatsiya qanday bo’lishi kerak? 

19. 
    KAZUS
    

Ayrim notiqlar o’z nutqlarini to’laligicha slaydlarga joylashtirishadi va o’sha slaydlardagi matnni o’qib berishadi.  Tinglovchilarga esa bu hol umuman yoqmaydi, ular zerikib qolishadi. Zero, slaydlarni tayyorlashdan maqsad notiqqa matnni eslatish emas, balki uning auditoriyaga gapirayotgan gaplari, murojaatlari ma’no va ta’sirisini kuchaytirishdir.

Topshiriq:
1. Quyidagi matnni o’qib, taqdimot uchun qiziqarli nom tanlang.

20. 
    KAZUS
    

Mazkur matn ma’nosini auditoriyaga yaxshi etkazib berish uchun qanday slayd yoki slaydlar  tayyorlagan bo’lar edingiz? Tasavvuringizdagi slaydlarni qog’ozga tushiring.

Ommaviy madaniyat chuqur ijtimoiy va madaniy ildizlarga ega. Ommaviy madaniyat paydo bo’lishining ijtimoiy-iqtisodiy ildizlari yirik sanoat ishlab chiqarishining paydo bo’lishi bilan bog’liq. Ijtimoiy qadriyatlarni sodda, barcha uchun tushunarli bo’lgan tilga ko’chirish, ommaviy savodxonlikning o’sishi, kitob nashr qilishning vujudga kelishi ommaviy madaniyatning rivojlanishiga ta’sir ko’rsatgan. XX asrda radio, kino, TV, video, kompyuterlar tizimining paydo bo’lishi natijasida esa ommaviy madaniyat rivoji yangi bosqichga ko’tarildi.

Afsuski, dunyoda demokratiya va erkinlik, oshkoralikni zo’r berib targ’ib qilayotgan buzg’unchi kuchlar insonlar ongiga ta’sir ko’rsatishning turli yo’llaridan foydalanishga harakat qilmoqdalar. Jumladan, “ommaviy madaniyat” mafkuraviy tazyiqning eng xavfli qurollaridan biriga aylandi. “Iste’molchilik kayfiyati o’zagini tashkil etgan ommaviy madaniyat asl kishilik madaniyatiga zid, uni poymol etadigan, mohiyatini buzadigan va oxir-oqibat insonni jon saqlashdan o’zga maqsadi bo’lmagan jonzot, hayvon darajasiga tushiradigan, xalqni esa olomonga aylantiradigan hodisadir”.

21. 
    KAZUS
    

O’zini o’zi taqdim qilish – tinglovchining talabidan kelib chiqqan holda insonning o’zi haqida hikoya qila olishi. Bizdan tanishish, suhbat, turli treninglar, ijtimoiy tarmoqdagi anketalarda o’zimiz haqimizda ikki og’iz gapirib berishimizni ko’p so’rashadi. Bir qarashda engil ko’ringan bu  topshiriq ko’pchilikni o’ylantirib qo’yadi. Zero, insonning o’z hayoti haqida qisqacha hikoya qilib berishi anchagina mushkul ish. Qanday boshlash kerak, nimani gapirish kerak, nima muhim?

Topshiriq:  Tasavvur qiling: ishga joylashish uchun suhbatga bordingiz. Sizga o’zingiz haqingizda qisqacha taqdimot tayyorlab kelish vazifasi berildi. Qanday taqdimot tayyorlaysiz? O’zingiz haqingizda hikoya tuzing.

22. 
    KAZUS
    

Mantiqiy va kazus (muammoli) savollar tuzishda talabalarning qaysi kurslarda o’qiyotgani, albatta, inobatga olinishi, ularning bilim, tajriba darajasi, umumiy intellektual imkoniyatlari nazardan chetda qolmasligi shart.

Guvohi bo’layotganingizdek, bugungi kunning dolzarb muammolaridan biri bo’lmish odam savdosi bilan bog’liq jinoyatlar, afsuski, tobora ko’payib borayotir.

Topshiriq: Turli bosqich (1-2-kurslar hamda 3-4-kurslar) talabalariga aynan odam savdosi bilan bog’liq muammolar echimiga bag’ishlangan savollarni shakllantirishda masalaning qaysi jihatlarini, qanday bilim va ko’nikmalarni so’rash to’g’ri bo’lishi xususida fikringizni bayon eting. 

23. 
    KAZUS
    

Mamlakatimizda ta’lim-tarbiya sohasida olib borilayotgan islohotlardan ko’chirmachilikning har qanday ko’rinishiga barham berish, o’quvchi va talabalar, bo’lg’usi mutaxassislarni faqat va faqat mustaqil, erkin va ijodiy fikrlashga o’rgatish masalalari ham o’rin olgan. Jumladan, huquqshunoslik sohasi uchun tayyorlanayotgan kadrlar bu holga shunchaki kamchilik, ko’z yumib ketish mumkin bo’lgan qusur sifatida emas, balki mamlakat va millat taqdiriga jiddiy xavf sifatida qarashlari shartdir. Zero, ilm olish, kasb egallash masalasi aslo bir-ikki shaxs muammosi bo’lmay, bu sohalardagi adolatning buzilishi, qonunga xilof harakatlar, oxir-pirovardida, mamlakat taraqqiyotiga jiddiy, hatto o’nglab bo’lmas zararlar etkazishi mumkin.

Savol-topshiriq: Sizningcha, mazkur fikrlarni huquqshunoslik sohasi misolida qanday dalillash, asoslash mumkin? Plagiat – ko’chirmachilik illatining yana qanday salbiy oqibatlari bo’lishi mumkinligi xususida fikringizni bayon eting.