Huquqiy ko’nikmalar va metodologiya. Kazus

HUQUQIY KO’NIKMALAR VA METODOLOGIYA.

1. 
   KAZUS
   

1. Siz tashkilot rahbarisiz. Tashkilotingizda hal qilinishi kerak bo’lgan muammolar mavjud. Ularning echimi borasida fikrlaringizni jamlab, yozib oldingiz. Endigi vazifa – muammolarning echimini amalga oshirishga mas’ul bo’lgan xodimlaringizni belgilab olish edi. Shu maqsadda ro’yxat tuzib, unga o’zingiz ishongan 10 nafar xodimingizni kiritdingiz.

Xodimlarni yig’ib, mavjud muammolar haqida ma’lumot etkazib, ularga vazifalarni taqsimlab berdingiz. Yig’ilish so’ngida savollar bor-yo’qligini so’radingiz.

Shunda xodimlaringizdan biri qo’l ko’tarib, fikr bildirishga ruxsat so’radi. Siz unga so’z berdingiz. Xodimingiz esa shunday dedi:

“Menga berilgan vazifani bajarish muammoga echim bo’la olmaydi, deb o’ylayman. Men buni o’z tajribamga tayanib aytishim mumkin. Agar buni boshqa xodim bajarishni istasa, meni ro’yxatdan chiqarib tashlashingizni so’rayman”.
Savol: Siz ishonch bildirib vazifani taqsimlab bergan xodimingizning barchaning huzurida bunday fikrini eshitgach, unga qanday javob qaytargan bo’lar edingiz?