Hududlarni moliyaviy imkoniyatlarini oshirish masalalari Reja: kirish

5-jadval
Qoraqalpog‘iston Respublikasi byudjetining, viloyatlar va Toshkent shahar mahalliy byudjetlari xarajatlarining o‘zgarishi (mlrd. so‘mda)

Qoraqalpog‘iston Respublikasi byudjetining, viloyatlar va Toshkent shahar mahalliy byudjetlari xarajatlarining o‘zgarishida ham xuddi mahalliy byudjet daromadaridagi holatni kuzatishimiz mumkin, ya’ni prognoz qilinayotgan makroiqtisodiy ko‘rsatkichlardan kelib chiqib, ayrim mahalliy byudjet xarajatlari oshirilishi hamda mahalliy byudjet xarajatlari tarkibining o‘zgarishi natijasida tahlil qilinayotgan davrda ushbu xarajatlar muntazam ko‘payish tendentsiyasiga ega bo‘lgan. Lekin hududlar bo‘yicha mahalliy byudjet xarajatlarining oshishida keskin tafovutlar mavjud emas, buning asosiy sabablari sifatida mazkur xarajatlarning markazlashgan tartibda Moliya vazirligini tomonidan muvofiqlashtirilishini keltirish mumkin. O‘zbekiston Respublikasi “Byudjet kodeksi”dagi qonunning 143-moddasiga muvofiq Qoraqalpog’iston Respublikasi byudjetiga, viloyatlar va Toshkent shahar mahalliy byudjetlariga qo‘llaniladigan cheklovlar quydagilardan iboratdir: Qoraqalpog’iston Respublikasi byudjeti, viloyatlar va Toshkent shahar mahalliy byudjetlari balanslashtirilgan daromadlar va xarajatlarga ega bo‘lishi lozim. Qoraqalpog’iston Respublikasi byudjeti, viloyatlar va Toshkent shahar mahalliy byudjetlari taqchilligiga yo‘l qo‘yilmaydi. Qoraqalpog’iston Respublikasi byudjeti, viloyatlar va Toshkent shahar mahalliy byudjetlarini qabul qilish va ijro etishda:
- mablag’lar jalb qilishni amalga oshirishga, yuqori turuvchi byudjetlardan
byudjet ssudalari olish bundan mustasno;
- tasdiqlangan byudjetdan ajratilgan mablag’lardan ortiq xarajatlarni
amalga oshirishga, Byudjet kodeksning 143-moddasi ikkinchi qismida nazarda tutilgan hollar bundan mustasno;
- tegishli byudjetlar mablag’lari hisobidan boshqa yuridik va jismoniy shaxslar foydasiga moliyaviy kafolatlar va kafilliklar berishga;
- yuridik va jismoniy shaxslarga byudjet ssudalari va kredit liniyalari berishga yo‘l qo‘yilmaydi. Mahaliy byudjetlar xarajatlarini rejalashtirishda O`zbekiston Respublikasi Moliya vazirligi rejadagi daromadlaridan kelib chiqadi, hududlar esa o‘z
xarajatlarini rejalashtirishda ehtiyojlaridan kelib chiqadi.