Hozirgi zamon xalqaro huquqi nazariyasi asoslari

8-§.  Hududiy  yaxlitlik  prinsipi
BMT  Ustavi  davlatlarning  hududiy  daxlsizligiga  qarshi  kuch  bilan 
tahdid  qilish  yoki  uni  qo'llashdan  tiyilib  turishga  majbur etadi  (2-m od- 
daning  4-bandi).
Hudud  boshqa  davlatning  kuch  bilan  tahdid  qilishi  yoki  uni  qo'llashi 
evaziga egallab olinadigan obyekt bo'lmasligi  kerak.  Kuch bilan tahdid qilish 
yoki  uni  qo'llash  natijasida  biron-bir  hududning  egallanishi  tan  olinmaydi.
1975-yildagi  YXHK  Yakunlovchi  aktida  hududiy  yaxlitlik  prinsip 
sifatida  qayd  etildi.  Aktga  muvofiq,  BM T  Ustaviga  mos  kelmaydigan, 
davlatning hududiy yaxlitligi yoki  birligiga qarshi  har qanday xatti-hara- 
katlar  taqiqlangan.  Bundan  kelib  chiqadiki,  hududiy  yaxlitlikka  qarshi 
yo'naltirilm agan  va  BMT  Ustaviga  mos  keladigan  harakatlarga  yo‘1 
qo'yilishi  mumkin.
Hududiy yaxlitlik to'g'risida mintaqaviy birlashmalaming barcha ta’sis 
hujjatlarida  so'z  yuritiladi.  Amerika  Davlatlari  Tashkiloti  Ustavida 
hududiy yaxlitlikni  himoyalash  bosh  maqsadlardan  biri  etib belgilangan 
(1-m odda).  Xuddi  shunday  qoida  Afrika  Birdamligi  Tashkiloti  Xartiya- 
sida  ham  mavjud  (2  va  3-moddalar).
Davlat  hududining  yaxlitligi  va  daxlsizligi  prinsipi  undan, jumladan 
uning  tabiiy  boyliklaridan  suveren  davlat  roziligisiz  foydalanishga  yo'l 
qo‘yilmas!igini  ham  bildiradi.
1
  O'zbekiston  Respublikasi  Oliy  Majlisining axborotnomasi.  1996.  №12.  —  262-m.
www.ziyouz.com kutubxonasi

---