Hozirgi zamon xalqaro huquqi nazariyasi asoslari

3 -§.  Kosmosdagi  faoliyat  uchun javobgarlik
1967-yilgi  Kosmos to'g'risidagi shartnoma kosmosdagi  faoliyat uchun 
javobgarlikning umumiy qoidalarni  belgilab berdi.  Unga  ko'ra,  kosmos­
dagi  har  qanday  faoliyat  uchun,  uni  hukumat  yoki  unga  tegishli  jis­
moniy va  yuridik shaxslar amalga oshirishidan  qat’i  nazar,  davlat javob- 
gar hisoblanadi.  Har qanday  davlat  bunday  faoliyatning xalqaro  huquq­
qa muvofiqligini ta ’minlashi shart.  Hatto kosmik faoliyat  xalqaro tashkilot 
tom onidan  amalga  oshirilayotgan  taqdirda  ham,  tashkilotga  a’zo  dav­
latlar  o'zaro javobgar  hisoblanadilar.
1972-yilgi  konvensiya kosmik obyektlar yetkazgan ziyon uchun javob­
garlik  masalalariga  bag'ishlangan.  Unda  kosmik  obyekt  Yer yuzasiga  va 
parvozdagi  havo  kemasiga  yetkazgan  ziyoni  uchun  ana  shu  obyektni 
uchirgan  davlat  mutlaq javobgar ekani  belgilangan.  Shunday  qilib,  dav­
lat  bunday  hollarda  aybi  bor-yo'qligidan  qat’i  nazar,  yetkazilgan  ziyon 
uchun javobgar  hisoblanadi.
Agar Yer yuzasida  emas,  balki  kosmosda  yoki  havo  bo'shlig'ida,  bir 
davlatning  kosmik  obyektiga  boshqa  davlatning  shunday  obyekti  ziyon 
yetkazgan  bo'lsa,  ziyon  yetkazgan  davlat  aybi  mavjud  bo'lgandagina 
javobgar sanaladi.  Obyektni  uchirishda bir qator davlatlar ishtirok etgan 
hollarda  ularning  barchasi  birgalikda javobgar  hisoblanadi.
H atto jismoniy va yuridik shaxslarga ziyon yetkazilgan  hollarda  ham 
javobgarlik  masalasi  davlatlararo  darajada  hal  etiladi.  Ziyonni  qoplash 
to'g'risidagi  d a ’vo diplomatik kanallar orqali bildiriladi,  masala yechimini 
topmagan  hollarda  esa  D a’volarni  ko'rib  chiqish  komissiyasiga  m a’lum 
qilinadi.  Har  bir  tom on  tayinlagan  a ’zo  bittadan  uchinchi  a ’zoni  say­
laydi.  Komissiya,  agar  tom onlar  boshqa  ahdlashuvga  kelishishmagan 
bo'lsa,  tavsiyaviy  mazmunda  xulosa  beradi.