Hozirgi vaqtda axborot tеxnologiyalari amalda inson faoliyatining hamma jabhalariga chuqur kirib bormoqda va rivojlanishda davom etmoqda

Yorliq yaratish
Bitta obyekt uchun bir necha yorliq yaratish mumkin va bu yorliqlar turli joylarda bo’lishi mumkin.
Yorliq yaratish usullari:
1 – usul. Obyekt tanlanib, menyuda Файл / Сoздать / Ярлык qatori tanlanadi va kerakli joyga ko’chirib o’tiladi.
2 – usul. Obyekt tanlanib, kontekst – menyuda Сoздать ярлык qatori tanlanadi va kerakli joyga ko’chirib o’tiladi.
3 – usul. Yorliq yaratilishi zarur bo’lgan oyna ochiladi. Hech qaysi obyekt joriy bo’lmagan holda (bu holga kelish uchun oynaning bo’sh joyida “sichqoncha” tugmasi bosiladi) oyna menyusida Файл/Сoздaть/Ярлык tanlanadi. Bunda ekranga Сoздание ярлыка nomli muloqot oynasi chiqadi. Qaysi obyekt uchun yorliq yaratmoqchi bo’lsak, shu obyektning to’la yo’lini “Комaндная строка” ga kiritiladi yoki “Обзор” tugmasini bosib, obyekt axtarib topiladi va “Дaлее” tugmasi bosiladi. Endi ikkinchi oyna chiqib, yorliq nomining kiritilishini so’raydi. Nom kiritilib, yana “Дaлее” tugmasi bosiladi. Endigi chiqqan oynadan biror rasm tanlash kerak bo’ladi. Didga mos va obyekt ma’nosiga yaqin rasm tanlangandan so’ng, “Готово” bosiladi va dastlabki ochilgan oynada yangi yorliq hosil bo’ladi.
4 – usul. Yorliq yaratilishi zarur bo’lgan oyna ochiladi va oynaning bo’sh joyida “sichqoncha”ning o’ng tugmasi bosilib, Сoздать ярлык qatori tanlanadi.
5 – usul. Drag & Drop usuli [Ctrl]+[Shift] klavishalarini bosgan holda bajariladi.
Yorliqni o’chirish
Yorliq o’chirilsa, faqat LNK (PIF) – fayl o’chadi, u bog’langan obyekt o’chmaydi. Yorliqni o’chirish uchun faylni o’chirish usullaridan biri ishlatiladi.
Yorliq nomini o’zgartirish.
Yorliq nomini o’zgartirish oson: nomiga kelib “sichqoncha” chap tugmasi bir marta bosiladi va yangi nom klaviaturada teriladi yoki avval keltirilgan usullardan biri qo’llaniladi. Yorliq nomi o’zgarsa, u normal ishlayveradi; lekin yorliq bog’langan obyekt nomi o’zgarsa, yorliq to’g’ri ishlamasligi mumkin.