Hozirgi shiddat bilan rivojlanayotgan zamonamizda, ko’p ishlar uyda o’tirgan holatda internet orqali masofaviy tarzda bajarilmoqda

O‘ZBEKISTON RESPUBLIKASI AXBOROT TEXNOLOGIYALARI VA KOMMUNIKATSIYALARINI RIVOJLANTIRISH VAZIRLIGI

MUHAMMAD AL-XORAZMIY NOMIDAGI

TOSHKENT AXBOROT TEXNOLOGIYALARI UNIVERSITETI

5330300 – “Axborot xavfsizligi” mutaxasisligi talabasi Karimov Baxtinu Hamro o’g’lining “Tarmoq trafigida anomal holatlarni aniqlash va baholash usullari va vositalarining tahlili” mavzusidagi bakalavr bitiruv ishiga

TAQRIZ

Hozirgi shiddat bilan rivojlanayotgan zamonamizda, ko’p ishlar uyda o’tirgan holatda internet orqali masofaviy tarzda bajarilmoqda. Ko’plab arizalar, tovarlarning oldi-sotdisi, biznes ishlarida bo’ladigan bitimlar, qisqacha qilib aytganda, barcha sohada veb ilova dasturlaridan keng foydalanilmoqda. Ammo shu bilan birgalikda veb ilovalarga bo’ladigan hujumlar ko’lami ham ortib bormoqda. Buning asosiy sababi, veb ilovalardagi zaifliklarning mavjudligi, veb dastur xavfsizligiga yetarlicha e’tibor berilmayotganidadir.

Shu sababli ushbu dolzarb masalalarni yechish uchun mazkur bakalavr bitiruv ishining natijasi muhim ahamiyat kasb etadi. Yuqoridagilardan kelib chiqib aytish mumkinki bitiruv ishi dolzarb mavzuga bag‘ishlangan.

Mazkur bakalavr bitiruv ishining birinchi bobida muallif tomonidan web ilova va saytlarning dolzarbligi, ularga bo’ladigan hujumlar, hujumlardan himoyalanish usul va vositalari tahlil qilingan.

Ikkinchi bobda esa tanlangan web dasturlash tilini asoslash, online market web sayti ishlash mexanizmlari va protseduralari, online market web saytida qo’llanilgan algoritmlar qiyosiy tahlili kabi masalalar amalga oshirilgan.

Mazkur bakalavr bitiruv ishida ba’zi kamchiliklarga yo’l qo‘yilgan, bu kamchiliklarni quyidagilarda ko‘rish mumkin:

• 
  bitiruv ishini yoritib berishda imlo xatolariga yo`l qo`yilgan;
  
• 
  keltirib o`tilgan algoritmlarning foydalanilishi bo`yicha tahlil qismida ko’proq e’tibor faqat klasterlash algoritmiga qaratilgan.
  

Xulosa natijasida shuni aytish mumkunki, talaba Karimov Baxtinu Hamro o’g’lini 5330300 – “Аxborot xavfsizligi” mutaxassisligi boʼyicha bakalavr darajasiga loyiq deb hisoblayman.

I.A.Karimov nomidagi TDTU “Axborot texnnologiyalari” kafedrasi dotsent

Ph.D. M.M.Kadirov