Zbekiston respublikasi transport vazirligi toshkent davlat transport unversiteti

Ishlar sifatining nazorati
6.38. Asos va qoplamalar mustahkamlangan gruntlardan qurilganda 1.13-band(Yo‘l to‘shamasining qurilish jarayonidagi sifat nazorati har bir yotqiziladigan qatlamin navbatma-navbat tekshirib, kamida har 100 m masofada quyidagi o‘lchovlarni olish bilan amalga oshiriladi: yo‘l o‘qi bo‘ylab balandlik o‘lchovi, eni (kengligi), qatlamga yotqizilayotgan materialning yo‘l o‘qidagi zichlangandan oldingi qalinligi, tekisligi (3 metrlik reyka ostidagi yo‘l qoplama, asosi chetidan 0,75-1,0 m masofada 5 ta nuqtada, reyka uchlarida va bir-biridan 0,5 masofada joylashgan reyka ostidagi tirqishlar). Boshqa tekshiriladigan o‘lchovlar ro‘yxati va ularni nazorat qilish, ushbu qoidalarning tegishli boblarida keltirilgan. Nazorat paytida, ko‘rsatkichlari doimiy qo‘llaniladigan asboblarning o‘lchoviga to‘g‘ri keluvchi, yangi, tezkor o‘lchov asboblardan foydalanish mumkin.)ga qo‘shimcha ravishda quyidagilar nazorat qilinadi:
kamida bir smenada bir marta:
- yirik bo‘lakli va qumlik gruntlarning granulometrik tarkibi GOST 12536-79 ga binoan;
- gil gruntlarning maydalanish darajasi, 5 va 10 mm teshikli elakda elanganda;
- organik bog‘lovchilarning qo‘shishdan oldingi harorati;
- emulsiyalarning bir hilda, qatlam-qatlam bo‘lmagan holdagi ko‘rinishi;
- qorishmalarning sifati, namunani siqish orqali olingan mustahkamligi;
- shtabelda saqlanayotgan qorishmalarning qo‘shimcha 0,2-0,5 m chuqurlikdagi harorati;
Kamida har 200 m da:
- ishlov berilayotgan gruntlar va tayyor qorishmalarning zichlashdan oldingi namligi va zichlangan materialning ko‘ndalang kesim bo‘yicha 3 nuqtada (o‘qi va qatlam chetidan 0,5 m masofada)gi zichligi va ularning 4.66.- band talablariga javob berishi;
kamida 5 smenada 1 marta:
- sho‘rxok gruntlarda eruvchan tuzlarning massasi O‘z RST 25100 bo‘yicha;
- tutilgan kullar va kul kuyundilari qorishmalarning yaroqligi;
- qarov ishlari talablari doimiy ravishda.
6.39. Tutilgan kul va kul kuyundi qorishmalari yoki maydalangan ohaktoshlarni bog‘lanmagan gruntlarga qo‘shimcha sifatida ishlatishga yaroqli-ligi, ularda 0,071 mm dan mayda bo‘lgan zarralarning soni kamida 60% va 2 mm dan yirigi 5% dan ko‘p bo‘lmasligi aniqlanadi.
Materiallar tashilganda kamomad 10% dan ko‘p bo‘lmasligi kerak. Bog‘langan grunt uchun kul-kuyundilar qorishmalarining yirikrog‘ini ham ishlatilishiga yo‘l qo‘yiladi.
6.40. Qorishmalarning mustahkamligini aniqlash uchun, ulardan qazib olinib 250m³ qorishma uchun 3 ta namuna tayyorlanadi.
Talab qilinadigan mustahkamlikdan chekinishlarga quyidagi hollarda ruxsat etiladi:
- zahiradagi qorishma tayyorlovchi uskunalardan foydalanilganda – 8% gacha;
- bir o‘tishda aralashtiriladigan mashinalarda qorishma tayyorlanganda – 15% gacha;
- qorishmalarni yo‘l frezasi bilan tayyorlanganda, 25% gacha.
6.41. Noorganik bog‘lovchi materiallar bilan ishlangan gruntlarning zichlik koeffitsientini, zichlangan qatlamdan olib quritilgan mustahkamlangan gruntning namunasining zichligini, O‘z RST 786 bo‘yicha zichlanib quritilagan qorishmaning zichligiga nisbati bo‘yicha aniqlanadi. Organik bog‘lovchi materiallar, portlandsement bilan qo‘shimchalarsiz mustahkamlangan gruntlarning zichlanish koeffitsientini, zichlangan qatlamdan olingan va quritilgan namunaning zichligining optimal namlikda 30 MPa yuklanish bilan zichlangan bog‘lovchi bilan qorishmaning zichligiga nisbati bilan aniqlanadi: agar organik bog‘lovchili grunt qorishmasiga portlandsement yoki karbomid smola qo‘shilsa, namunalarni 15 MPa yuklanish bilan zichlash lozim.