Ўзбекистон республикаси олий ва ўрта махсус таълим вазирлиги жиззах политехника институти н. Н. Алимов, Ж. Р. Турматов

Намойиш.
Ўқитувчи ўқувчилар гуруҳи олдида туриб, асбобдан фойдаланиш ёки машинага хизмат кўрсатиш, шунингдек, маълум ҳолатларда қандай ҳаракат қилиш кераклигини кўрсатмокда.
Ушбу усул амалий иш ҳаракатларини кўрсатиб бериш керак бўлганда жуда қўл келади.
Афзаллик томонлари:

• 
  Ўқувчилар қайтариб туришлари амалга оширилса, кўплаб қўл кўникмаларини ўргатиш мумкин.
  
• 
  Нотўғри ҳаракатлар ва хатолар бошидан бошлаб қилинмаслиги ёки тузатилиши мумкин.
  
• 
  Босқичларнинг тўғри кетма-кетлиги осонлик билан шакллантирилиши мумкин.
  
• 
  Ўқувчилар детал тажрибаларга ҳам эга бўлишлари мумкин.
  
• 
  Кўникмаларни турли тезликларда тасвирлаш учун яхши имконият пайдо бўлади.
  

Салбий томонлари:

• 
  Ўқитувчи қилиши мумкин бўлган хатолар ўқувчиларга ҳам ўтади.
  
• 
  20 дақиқадан ортиқрок вақт давомида диққат билан тинглаб ўтириш қийин кечади.
  
• 
  Турли дастлабки билимлар инобатга олинмай қолиниши мумкин.
  
• 
  Ўқитувчи ҳаракатларини ўқувчиларнинг фақатгина озгина қисми кўра олиши мумкин ҳолос.
  
• 
  Ўқувчиларга қўйилаётган талаб тез ошиб кетиши мумкин.
  
• 
  Кўп вақт талаб этадиган тайёргарлик керак бўлади.
  

Изланиш.
Ўқитувчи кузатиш объектларини ўзида мужассам этган топшириқлар тайёрлайди. У ўқувчиларга берилган топшириқларга жавоблар топиш учун муайян соҳага бориб, у билан танишиш топшириғини беради. Ўқитувчи ўқувчиларни кузатиб боради ва гуруҳга раҳбарлик қилади (хавфсизлик чораларини кўриш мақсадида).
Бу усул ўқувчиларни маълум бир муҳитга бошлаб боришга қаратилган самарали усулдир.
Афзаллик томонлари:

• 
  Ўқувчилар диққат билан кузатишни ўрганадилар.
  
• 
  Ўқувчиларнинг дастлабки билимларини сафарбар қилишлари учун энг яхши имкониятдир.
  

Салбий томонлари:

• 
  Кўп вақт сарф этилишини талаб этади.
  
• 
  Ўқувчилар кейинчалик қайта ишланиши керак бўлган тўлиқсиз таассуротга эга бўладилар.