Ўзбекистон ёшлар иттифоқининг корхона, ташкилот ва муассасалардаги бошланғич ташкилотлари учун

Ижтимоий-иқтисодий йўналиш координатори:

- корхона, ташкилот ва муассасада меҳнат қилаётган ижтимоий ҳимояга муҳтож ишчи-ходиларнинг маиший турмуш шароитини яхшилаш бўйича таклифлар ишлаб чиқади, улар хонадонидаги томорқадан унумли фойдаланиши бўйича машғулотлар ташкил этади;

- корхона, ташкилот ва муассасадаги ишчи-ходимларга истеъмол кредитлари ажратилишида кўмаклашади;
- корхона, ташкилот ва муассасада ишлаб, нафақага чиққан нуронийлар ҳолидан хабар олиш механизмини ишлаб чиқади ва амалга оширилишини таъминлайди;
- корхона, ташкилот ва муассаса жойлашган ҳудудда истиқомат қилувчи ижтимоий ҳимояга муҳтож, кам таъминланган оила фарзандлари ҳамда имконияти чекланган ёшларнинг турмуш шароитини ўрганиб боради, уларни қўллаб-қувватлаш бўйича раҳбариятга таклифлар киритади;
- Меҳрибонлик, Саҳоват уйларида корхона, ташкилот ва муассаса номидан турли хил тадбирлар ташкил этиш ҳамда кўмакка муҳтожларга байрамлар арафасида совға-саломлар улашиш юзасидан чора-тадбирлар кўради.
Етакчилик ва унинг ўзига хос жиҳатлари:
Жамиятимиз турли характер ва дунёқарашга эга кишилардан иборат. Уларни ягона муштарак мақсад, яъни жамиятнинг осойишталиги, фаровонлиги ва тараққиёти бирлаштиради.
Одамларнинг шу мақсад атрофида бирлашиши натижасида уюшмалар, ташкилотлар, давлатлар ва иттифоқлар юзага келган.
Одамларнинг маълум бир гуруҳига етакчилик қилиши барча соҳаларда кузатилади. Етакчилар бошқалардан ўзининг юқори даражадаги фаоллиги билан ажралиб туришади.
Етакчи бу - жамоа манфаатларини бирлаштириб, бошқаларни маълум мақсад сари етаклай олган ҳамда бунинг натижасида жамоа ишончини қозонган шахсдир.

Ўзбекистон ёшлар иттифоқи аъзолигига қабул қилиш
ТАРТИБИ

Аъзоликка қабул қиладиган жой:

Ўн тўрт ёшга тўлган ва ўттиз ёшдан ошмаган шахслар Ўзбекистон ёшлар иттифоқининг таълим муассасалари, иш ва хизмат жойларидаги бошланғич ташкилотлари орқали аъзо бўлади.
Аъзоликка қабул қилиш:
Ёшлар Ўзбекистон ёшлар иттифоқига бир маротаба аъзоликка қабул қилинади.
Бошланғич ташкилот етакчиси томонидан барча ёшлар рўйхати улар томонидан тўлдирилган анкета асосида шакллантирилиб, бошланғич ташкилот кенгаши йиғилишида аъзоликка қабул қилинади.
Аъзоликка қабул қилинган ёшлар сонидан келиб чиқиб, бошланғич ташкилот етакчисига маҳаллий Кенгаш томонидан Иттифоқ кўкрак нишони, аъзолик ID-картаси (аъзолик гувоҳномаси)тақдим этилади.
Аъзоликка қабул қилинган ёшлар тўғрисида маълумотлар бошланғич ташкилотлар томонидан рўйхатга олиш дафтарига қайд қилинади.
Аъзоликка қабул қилиш муддати:
Барча таълим муассасасалари, иш ва хизмат жойларида 25 сентябрь кунидан Иттифоқ аъзолигига қабул қилиш бошланиши ҳақида ёшлар хабардор этилиши лозим.
Иттифоқ аъзолари қуйидаги ҳуқуқларга эга:
умумий йиғилишлар, конференциялар, Қурултой, Иттифоқнинг сайланадиган органлари йиғилишлари ва босма даврий нашрларда масалаларни муҳокама қилиш чоғида ўз фикрини эркин ифода этиш;
шахсан ёки ўз вакили орқали Иттифоқнинг сайланадиган органлари қарорларини ишлаб чиқишда иштирок этиш;
Иттифоқнинг сайланадиган раҳбар органларига сайлаш ва сайланиш;
Иттифоқ органлари фаолияти тўғрисида маълумотлар олиш, ўзларига тааллуқли бўлган масалаларни муҳокама қилишда Иттифоқ органлари фаолиятида иштирок этиш ва шахсий фикрини билдириш;
Иттифоқ аъзолари қуйидаги мажбуриятларни ўз зиммасига олади:
Иттифоқнинг мақсад ва вазифаларини амалга оширишда қатнашади.
Ёшлар ўртасида ва умуман, жамиятда Иттифоқнинг таъсири ва нуфузини оширади.
Иттифоқ органлари, бошланғич ташкилотларнинг умумий йиғилишлари қарорларини бажаради.
Иттифоқнинг бошланғич ташкилоти фаолиятида фаол қатнашади.
Ўзбекистон ёшлар иттифоқи аъзосининг