Zamonaviy qurilish materiallari va konstruksiyalari

Qo‘shimcha ma’lumotlar 
Bikrom 
Bikrom – sifatli mahsulot bo‘lib, tom yopish uchun qimmat 
bo‘lmagan mahsulot hisoblanadi. 
Undan foydalanish uchun qimmatbaho qurilmalardan foydalanish 
talab etilmaydi. Shu bilan bir vaqtda, bu mahsulot ancha ishonchli. 
Kichik nishabdagi tomlarga o‘rnatish va ularni ta'mirlash, shuningdek 
to‘sib turuvchi tizimning ishonchlilik darajasiga katta talablar 
qo‘yilmagan holda binolar va inshootlarni gidroizolyatsiya qilish uchun 
ishlatiladi. 
«ALES-POLIZOL SINTEZ» MCHJ tomonidan ushbu mahsulot 
tikilmagan matoli shisha paxta asosida (BIKROM TF BIKROM TK yoki 
BIKROM XP) yoki qoplamali mato setka bilan shishaxolst (BIKROM 
XP), polimer pilyonka (tomning pastki qismlarini gidroizolyatsiya qilish 
uchun), zar qog‘oz bilan qoplangan holda yoki kul rangdagi yirik donali 
sochma (tomning yuqori qismi uchun) tarzda ishlab chiqarilishi mumkin. 
Asosiga modifikatsiyalangan bitum va to‘ldiruvchi bo‘lgan bitum 
bog‘lamasi suriladi. 
BIKROM eski tomlarni ta'mirlashda uning yuzasini gorelkadan 
chiqadigan olov bilan eritish orqali bitta qatlamda surish orqali, yangi 
tom yopilganda esa yoki kapital remont qilinayotgan holda ikki marta 
suriladi. Eritish vaqtida bikrom yuzasining bitta joyiga qarata uni 
qizdirishga yo‘l qo‘yilmaydi, negaki bu narsa bikrom yuzasining yonib 
ketishiga olib keladi. Faqatgina ustki qatlam qizdiriladi, bunda 
gidroizolyatsiya qatlamining barcha qalinlikdagi qismining erib ketishiga 
yo‘l qo‘ymaslik lozim. 

---

147 
Mineral paxta mahsulotlari 
Mineral paxta tola shaklidagi material bo‘lib, bazalt, diabaz, ohak, 
dolomit va boshqa jinslardan olinaligan ingichka va egiluvchan 
tolalardan tashkil topadi. 
Mineral paxtadan qilingan mahsulotlar paxta tolalarini bog‘lovchi 
moddalar bilan (ko‘pincha sintetik yelim) yelimlash orqali olinadi. Ular 
issiqlikni o‘zidan kam o‘tkazishi, yonmasligi, chirimasligi, nam 
tortmasligi va sovuqqa chidamliligi bilan xarakterlanadi. Qurilish 
konstruksiyalari, sanoat qurilmalari va quvurlarni issiqlik va sovuqdan 
izolyatsiya qilishda foydalaniladi. Mineral paxtadan yasalgan mahsulotlar 
izolyatsiyalashning eng keng tarqalgan turi hisoblanadi. Bugungi kunda 
O‘zbekistonda issiqlik izolyatsiyasi uchun mineral plita ishlab 
chiqaradigan yagona korxona, bu – “Oxangaronsement” OAJ 
hisoblanadi. 
Poliizol 
Poliizol – o‘zining asosiy funktsiyasi-binolarni suvdan saqlashni 
a'lo darajada bajaruvchi mahsulot hisoblanadi. Laboratoriya tadqiqotlari 
va undan foydalanish tajribasi natijalari poliizolning mustahkamligi va 
ko‘pga chidamliligini tasdiqlamoqda. 

---

148 
Poliizol – tomga yopish va gidroizolyatsiya uchun qizdirib 
yotqiziladigan turdagi mahsulot. U chirimaydigan (karkasli shishamato) 
asosga ega bo‘lib, unga yuqori sifatli SBS (stirol- butadien-stirol) va APP 
(atoktik polipropilen)-modifikatsiyalangan bitum polimer bog‘lovchisi 
surtilgan. SBS va APP materialga yuqori fizikaviy va mexanik 
xususiyatlarni berib, poliizol bilan yopilgan tomlarning uzoq muddat turli 
haroratda mustahkamligini ta'minlaydi. 
Material turli foydalanishdagi bino va inshootlarning tomini yopish, 
fundamentlarini, ko‘priklar, tonnellarni gidroizolyatsiya qilish uchun 
ishlatiladi. Poliizol ham yangi tomlarni yopishda, ham eski tomlarni 
ta'mirlashda birdek ishlatilishi mumkin.